ឯកឧត្តម សាន វិសាល អញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ និងវាយតម្លៃលើការងារស្តារឡើងវិញផ្លូវក្រាលដីល្បាយថ្មភ្នំចំនួន ១ខ្សែ ស្ថិតក្នុងស្រុកកោះញែក ខេត្តមណ្ឌលគិរី

ខេត្តមណ្ឌលគិរី៖ នាថ្ងៃចន្ទ ១៣រោច ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែមិថុនា ឆ្នាំ២០២៥ ឯកឧត្តម សាន វិសាល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃ លើការងារស្តារឡើងវិញផ្លូវក្រាលដីល្បាយថ្មភ្នំចំនួន ១ខ្សែ ប្រវែង១០ ០០០ម ទទឹង ៧ម កម្រាស់ ០,២ម សាងសង់លូមូលមុខពីរចំនួន ២កន្លែង លូមូលមុខមួយចំនួន ១កន្លែង និងផ្លាកឈ្មោះផ្លូវចំនួន ២កន្លែង ស្ថិតក្នុងភូមិសេរីរដ្ឋ និងភូមិមានជ័យ ឃុំស្រែសង្គម ស្រុកកោះញែក ខេត្តមណ្ឌលគិរី អនុវត្តដោយ នាយកដ្ឋានផ្លូវលំជនបទ។

លទ្ធផលជារួម ក្រោយប្រជុំពិភាក្សាលើលក្ខណៈបច្ចេកទេសរួច គណៈកម្មការអន្តរក្រសួង បានឯកភាព និងទទួលយក ១០០% នូវគម្រោងខាងលើ៕