មន្ទីរអភិវឌ្ឍន៍ជនបទខេត្តត្បូងឃ្មុំ បើកវគ្គបណ្តុះបណ្តាលពង្រឹងសមត្ថភាពគណ:កម្មាធិការអភិវឌ្ឍន៍ភូមិ(គ.អ.ភ)

ខេត្តត្បូងឃ្មុំ ៖ នាថ្ងៃអង្គារ ១០កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹង ថ្ងៃទី៦ ខែឧសភា ឆ្នាំ២០២៥ មន្ទីរអភិវឌ្ឍន៍ជនបទខេត្តត្បូងឃ្មុំ បានបើកវគ្គបណ្តុះបណ្តាលពង្រឹងសមត្ថភាពគណ:កម្មាធិការអភិវឌ្ឍន៍ភូមិ(គ.អ.ភ) នៅឃុំល្ងៀង ស្រុកត្បូងឃ្មុំ ខេត្តត្បូងឃ្មុំ វគ្គបណ្តុះបណ្តាលនេះរៀបចំដោយមន្ទីរអភិវឌ្ឍន៍ជនបទខេត្តត្បូងឃ្មុំ តាមរយៈថវិកាកម្មវិធី ប្រចាំឆ្នាំ២០២៥ របស់នាយកដ្ឋានអភិវឌ្ឍន៍សហគមន៍ ដែលមានសិក្ខាកាមចូលរួមសរុប២៦នាក់ ស្រី៤នាក់ ជាគណ:កម្មាធិការអភិវឌ្ឍន៍ភូមិ មកពីឃុំចំនួនពីរ គឺឃុំល្ងៀង មានចំនួន០៩ភួមិ រួមមាន
៖ភូមិ ល្ងៀង ថ្លុកពង្រ ស្មោញ ល្វាធំ គគីរ ច្រាប ភូមិ ៤-១៦ ភូមិ២-១៧ និងភូមិកៀនចក និងឃុំស្រឡប់ ចំនួន១ភូមិ គឺភូមិ អង្គជ័យ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។

វគ្គបណ្តុះបណ្តាលគណ:កម្មាធិការអភិវឌ្ឍន៍ភូមិ (គ.អ.ភ) បង្កើតឡើងក្នុងគោលបំនងពង្រឹងសមត្ថភាពគណ:កម្មាធិការអភិវឌ្ឍន៍ភូមិ(គ.អ.ភ) ដើម្បីបង្កើនប្រសិទ្ឋិភាពការដឹកនាំការងារអភិវឌ្ឍន៍ភូមិដោយសហគមន៍ តាមរយ:(គ.អ.ភ) ពីព្រោះភូមិ ស្មោញ ឃុំល្ងៀង ស្រុកត្បូងឃ្មុំ ត្រូវបានជ្រើសរើសជាភូមិគោលដៅ ” ភូមិគំរូគន្លឹ:” របស់ក្រសួងអភិវឌ្ឍន៍ជនបទ ប្រចាំឆ្នាំ ២០២៥។