ឯកឧត្តម ឈន សេដ្ឋា អញ្ជើញដឹកនាំកិច្ចប្រជុំពិភាក្សាការងារសិក្សាគំរូប្លង់ និងចុះពិនិត្យទីតាំងសម្រាប់សាងសង់មជ្ឈមណ្ឌលអភិវឌ្ឍន៍សហគមន៍ នៅខេត្តតាកែវ

ខេត្តតាកែវ៖ នារសៀលថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ព.ស.២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥  ឯកឧត្តម ឈន សេដ្ឋា អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំពិភាក្សាការងារសិក្សាគំរូប្លង់ និងចុះពិនិត្យទីតាំងសម្រាប់សាងសង់មជ្ឈមណ្ឌលអភិវឌ្ឍន៍សហគមន៍ នៃគម្រោង “ការបង្កើតមជ្ឈមណ្ឌលអភិវឌ្ឍន៍សហគមន៍ដើម្បីការអភិវឌ្ឍធនធានមនុស្ស និងលើកកម្ពស់អាជីវកម្មកសិកម្មនៅកម្ពុជា” ស្ថិតនៅភូមិត្រពាំងអង្គរ សង្កាត់រកាក្រៅ ក្រុងដូនកែវ ខេត្តតាកែវ។

ក្នុងកិច្ចប្រជុំ និងដំណើរចុះពិនិត្យទីតាំងនេះក៏មានការអញ្ជើញចូលរួមពី Mr Doohwan Kim ប្រធានគ្រប់គ្រងគម្រោង, លោក លីវ សំណាងប្រធានមន្ទីរអភិវឌ្ឍន៍ជនបទខេត្តតាកែវ, ប្រធានក្រុមហ៊ុនសាងសង់ និងសហការី ព្រមទាំងមន្ត្រីបច្ចេកទេសនៃនាយកដ្ឋានអភិវឌ្ឍន៍សហគមន៍ និងមន្ទីរអភិវឌ្ឍន៍ជនបទខេត្តតាកែវ។

សូមបញ្ជាក់ជូនថា គម្រោង “ការបង្កើតមជ្ឈមណ្ឌលអភិវឌ្ឍន៍សហគមន៍ ដើម្បីការអភិវឌ្ឍធនធានមនុស្ស និងលើកកម្ពស់អាជីវកម្មកសិកម្មនៅកម្ពុជា”  គឺជាហិរញ្ញប្បទានឥតសំណងរបស់រដ្ឋាភិបាលកូរ៉េ តាមរយៈសាជីវកម្មសហគមន៍ជនបទកូរ៉េ ក្រោមការសម្របសម្រួលដំណើកាអនុវត្ត ដោយក្រសួងអភិវឌ្ឍន៍ជនបទ ដែលមានរយៈពេល ៥ឆ្នាំ ពីឆ្នាំ២០២៤-២០២៨៕