ឯកឧត្តម ហាប់ អូម៉ាលី អញ្ជើញចូលរួមពិធីបិទសន្និបាតប្រចាំឆ្នាំ២០២៤ និងទិសដៅ ២០២៥ របស់ក្រសួងធម្មការ និងសាសនា

រាជធានីភ្នំពេញ ៖ នារសៀលថ្ងៃពុធ ៧កើត ខែផល្គុន ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី ០៥ ខែមីនា ឆ្នាំ២០២៥ ឯកឧត្តម ហាប់ អូម៉ាលី រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទបានអញ្ជើញចូលរួមពិធីបិទសន្និបាតប្រចាំឆ្នាំ២០២៤ និងទិសដៅ ២០២៥ របស់ក្រសួងធម្មការ និងសាសនា ក្រោមអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងមានការអញ្ជើញចូលរួមផងដែរពីសំណាក់ឯកឧត្តម រដ្ឋលេខាធិការ អនុរដ្ឋលេខាធិការ មន្ត្រីសង្ឃ លោក លោកស្រី ប្រធានមន្ទីរធម្មការ និងសាសនាខេត្ត និងលោក លោកស្រី ដែលមកពីអង្គភាពពាក់ព័ន្ធជាច្រើនរូប។