ឯកឧត្តម ជួប រតនា អញ្ជើញដឹកនាំសិក្ខាសាលាបូកសរុបលទ្ធផលការងារ របស់គម្រោងសហគមន៍ដឹកនាំទឹកស្អាត និងអនាម័យ ធន់នឹងអាកាសធាតុប្រកបដោយបរិយាបន្ន ឆ្នាំ២០២៣-២០២៤ និងលើកទិសដៅបន្តនិរន្តរភាពគម្រោង ឆ្នាំ២០២៥

ខេត្តព្រៃវែង៖ នាថ្ងៃអង្គារ ១០កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែធ្នូ ឆ្នាំ២០២៤ ឯកឧត្តម ជួប រតនា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ
បានអញ្ជើញជាអធិបតីក្នុងសិក្ខាសាលាបូកសរុបលទ្ធផលការងារ របស់គម្រោងសហគមន៍ដឹកនាំទឹកស្អាត និងអនាម័យ ធន់នឹងអាកាសធាតុប្រកបដោយបរិយាបន្ន ឆ្នាំ២០២៣-២០២៤ និងលើកទិសដៅបន្តនិរន្តរភាពគម្រោង ឆ្នាំ២០២៥ ព្រមទាំងមានការអញ្ជើញចូលរួមជាពីសំណាក់ ឯកឧត្តម ជួប សំអាត អនុរដ្ឋលេខាធិការក្រសួងអភិវឌ្ឍន៍ជនបទ ឯកឧត្តម ឌុច គន្ធា អភិបាលរង នៃគណៈអភិបាលខេត្តព្រៃវែង និងមានការចូលរួមពី តំណាងប្រធាននាយកដ្ឋានផ្គត់ផ្គង់ទឹកជនបទ, លោកវេជ្ជបណ្ឌិត លន់ សាយតេង ប្រធាននាយកដ្ឋានថែទាំសុខភាពជនបទ,ប្រធាន ប្រតិបត្តិ EMW ប្រចាំប្រទេសកម្ពុជា ប្រចាំសហរដ្ឋអាមេរិក ប្រចាំប្រទេសវៀតណាម និង ប្រចាំប្រទេសឡាវ,ប្រធានអនុប្រធាន មន្ទីរអង្គភាព និងជាសមាជិកក្រុមការងារ PWG,ប្រធានអនុប្រធាន មន្ទីរខេត្តកំពង់ចាម ត្បូងឃ្មុំ ក្រចេះ កំពង់ឆ្នាំង និងពោធិ៍សាត់ អភិបាលរង ក្រុងស្រុក និងជាសមាជិកក្រុមការងារ DWGទាំង៦ខេត្ត ថ្នាក់ដឹកនាំ មន្រ្តីរាជការនៃមន្ទីរអភិវឌ្ឍន៍ជនបទ និងអង្គការដៃគូអភិវឌ្ឍន៍ វិស័យឯកជន មេឃុំ ចៅសង្កាត់ ក្រុមប្រឹក្សាឃុំ និង គ.ក.ន.ក ឃុំសរុបចំនួន ៩៧រូប៕