ឯកឧត្តម សាន វិសាលដឹកនាំមន្រ្តីបច្ចេកទេសថ្នាក់ក្រសួង (PMU)  ត្រួតពិនិត្យគម្រោងពង្រឹងសមត្ថភាពផលិតភាពជនបទ (NRRPCP) នៅខេត្តប៉ៃលិន និងខេត្តកំពង់ឆ្នាំង

ខេត្តប៉ៃលិន-កំពង់ឆ្នាំង ៖  នាថ្ងៃចន្ទ ២កើត-អង្គារ ៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២-៣ ខែធ្នូ ឆ្នាំ២០២៤ ឯកឧត្តម សាន វិសាល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំមន្រ្តីបច្ចេកទេសថ្នាក់ក្រសួង (PMU) មន្រ្តីបច្ចេកទេសថ្នាក់ខេត្ត (PIU) របស់គម្រោងពង្រឹងសមត្ថភាពផលិតភាពជនបទ (NRRPCP) ចុះត្រួតពិនិត្យនូវវឌ្ឍនភាពការងាររបស់គម្រោងស្ថិតនៅខេត្តប៉ៃលិន និងខេត្តកំពង់ឆ្នាំង រួមមាន៖

-ខ្សែផ្លូវទី១   ជាផ្លូវក្រាលកៅស៊ូពីរជាន់ប្រភេទ (DBST), មានប្រវែង ២០,៨៦ គីឡូម៉ែត្រ ក្នុងនោះសាងសង់លូប្រអប់ ២កន្លែង និងលូមូល៤៤កន្លែង ដោយតភ្ជាប់ពីភូមិក្ងោក  ឃុំស្ទឹងកាច់ ទៅដល់ភូមិអូរចិតប្រាំ ឃុំអូរអណ្ដូង ស្រុកសាលាក្រៅ ខេត្តប៉ៃលិន សម្រេចលទ្ធផល ១០០%។

-ខ្សែផ្លូវទី២  ជាផ្លូវក្រាលកៅស៊ូពីរជាន់ប្រភេទ (DBST) និងមានផ្នែកខ្លះជាបេតុង មានប្រវែង ១៥,៤៣៨ គីឡូម៉ែត្រ ក្នុងនោះសាងស្ពានចំនួន ០១កន្លែង លូប្រអប់ចំនួន ០១កន្លែង និងលូមូលចំនួន ៤៧កន្លែង ដោយតភ្ជាប់ពីភូមិសំបូរ  ឃុំសាលាក្រៅ ទៅដល់ភូមិភ្នំព្រាល ឃុំស្ទឹងត្រង់ ស្រុកសាលាក្រៅ ខេត្តប៉ៃលិន សម្រេចលទ្ធផលបាន ៦៥%។

-ខ្សែផ្លូវទី៣ ប្រភេទផ្លូវក្រាលកៅស៊ូពីរជាន់ (DBST) ប្រវែង ៨,១៣គីឡូម៉ែត្រ សាងសង់លូមូល ២៥ កន្លែង លូប្រអប់ ៣កន្លែង ចាប់ពីភូមិអណ្តូងជ្រៃ, ត្បែង,បំពង់ផ្ចឹក ឃុំអណ្តូងស្នាយ និងភូមិអូតាសេក , ឃុំគោកបន្ទាយ ស្រុករលាប្អៀរ  សម្រេចលទ្ធផលបាន ៩៨%។

-ខ្សែផ្លូវទី៤ ជាប្រភេទផ្លូវក្រាលកៅស៊ូពីរជាន់ (DBST) ប្រវែង ១២,៣៣ គីឡូម៉ែត្រ លូមូល ២៤កន្លែង  លូប្រអប់ ១កន្លែង ស្ថិតនៅភូមិកងមាស ភូមិឈើត្រាច ភូមិមានជ័យ ភូមិគោកបន្ទាយ  ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។

ក្នុងគម្រោងខាងលើនេះក៏មានការជីកស្រះ និងស្ដារស្រះសហគហគមន៍បានចំនួន ១៩ស្រះ ស្ថិតក្នុងស្រុកសាលាក្រៅ ខេត្តប៉ៃលិន សម្រេចលទ្ធផលបាន ២៥%៕