ឯកឧត្តម កែវ សិគុណបានចូលរួមក្នុងពិធីប្រគល់សម្ភារៈសម្រាប់សាងសង់បង្គន់អនាម័យ និងបើកការដ្ឋានខួងអណ្តូងស្នប់ ក្នុងឃុំបឹងតាព្រហ្ម និងឃុំអូរជ្រៅ ស្រុកព្រៃនប់

ខេត្តព្រះសីហនុ៖ នាព្រឹកថ្ងៃសៅរ៍ ១កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី០៦ ខែកក្កដា ឆ្នាំ២០២៤ ឯកឧត្តម កែវ សិគុណ អនុរដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានចូលរួមក្នុងពិធីប្រគល់សម្ភារៈសម្រាប់សាងសង់បង្គន់អនាម័យ និងបើកការដ្ឋានខួងអណ្តូងស្នប់ នៅឃុំបឹងតាព្រហ្ម និងឃុំអូរជ្រៅ ស្រុកព្រៃនប់ ខេត្តព្រះសីហនុ។

ក្នុងនោះផងដែរ ឯកឧត្តម ក៏បាននាំយកក្រម៉ាដែលជាអំណោយរបស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ចែកជូនប្រជាពលរដ្ឋចំនួន ២៥០នាក់ ស្រី ១១៤នាក់៖

១. ផ្តល់សម្ភារៈសម្រាប់សាងសង់បង្គន់អនាម័យ មានអ្នកចូលរួមចំនួន ១៦៧នាក់ ស្រី ៨៣នាក់ ។

២. សកម្មភាពបើកការដ្ឋានខួងអណ្តូងស្នប់ មានអ្នកចូលរួមសរុប ៨៣នាក់ ស្រី ៣១នាក់។