លោក ធីម សុធារ៉ា ដឹកនាំក្រុមកាងារបច្ចេកទេសផ្លូវជនបទរបស់មន្ទីរអភិវឌ្ឍន៍ជនបទខេត្តពោធិ៍សាត់ ចុះត្រួតពិនិត្យការងារថែទាំផ្លូវជាលក្ខណៈប្រចាំ ចំនួន ០១ខ្សែ ស្ថិតក្នុងស្រុកក្រគរ និងស្រុកភ្នំក្រវាញ

ខេត្តពោធិ៍សាត់ ៖ នាថ្ងៃអង្គារ ៧កើត ខែពិសាខ ឆ្នាំរោង ឆស័ក ពុទ្ធស័ករាជ ២៥៦៧ ត្រូវនឹងថ្ងៃទី១៤ ខែឧសភា ឆ្នាំ២០២៤ លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ បានដឹកនាំក្រុមកាងារបច្ចេកទេសផ្លូវជនបទ ចុះត្រួតពិនិត្យការងារថែទាំផ្លូវជាលក្ខណៈប្រចាំ ជាផ្លូវប្រភេទក្រាលល្បាយខ្សាច់ភ្នំ ចំនួន ០១ខ្សែ ប្រវែង ១៨ ៥០០ម៉ែត្រ ទទឹងខ្នងលើ ៨ម៉ែត្រ ស្ថិតនៅក្នុងស្រុកចំនួនពីរ គឺចាប់ពីភូមិក្បាលទាហាន  ឃុំឈើតុំ ស្រុកក្រគរ ទៅភូមិសាយ ឃុំព្រងិល ស្រុកភ្នំក្រវាញ (ជាដីសម្បទានសង្គមកិច្ច ប៊ុន រ៉ានី សែនជ័យដំណាក់ត្រយឹង) ខេត្តពោធិ៍សាត់។

ជាលទ្ធផលក្រុមការងារបាននឹងកំពុងកៀរលុបជង្ហុកសំបុកមាន់ បំពេញជើងទេរផ្លូវបានប្រវែង ២ ៨៥០ម៉ែត្រ ហើយ។