លោក ជា សែម អគ្គនាយករងរដ្ឋបាល និងហិរញ្ញវត្ថុ បានអញ្ជើញចូលរួមក្នុងប្រជុំបូកសរុបលទ្ធផលការងារប្រចាំខែមេសា ឆ្នាំ២០២៤ និងលើកទិសដៅបន្តខែឧសភា នៅសាលាឃុំពងទឹក ស្រុកដំណាក់ចង្អើរ

ខេត្តកែប÷ នាព្រឹកថ្ងៃសុក្រ ១០រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣ ខែឧសភា ឆ្នាំ២០២៤ នៅសាលាឃុំពងទឹក ស្រុកដំណាក់ចង្អើរ លោក ជា សែម អគ្គនាយករងរដ្ឋបាល និងហិរញ្ញវត្ថុ បានអញ្ជើញចូលរួមក្នុងប្រជុំបូកសរុបលទ្ធផលការងារប្រចាំខែមេសា ឆ្នាំ២០២៤ និងលើកទិសដៅបន្តខែឧសភា ក្រោមអធិបតីភាព ឯកឧត្ដម ឡៅ ទិព្ធសីហា រដ្ឋលេខាធិការ ក្រសួងរៀបចំដែនដី នគររូបនីយកម្ម និងសំណង៎ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកដំណាក់ចង្អើរ ដោយជំរុញលើការចុះពិនិត្យបញ្ហាប្រឈម និងសំណូមពររបស់អាជ្ញាធរភូមិឃុំ ដោយមានការចូលរួមពីសំណាក់ ឯកឧត្តមអនុប្រធានក្រុមការងារ និងឯកឧត្តម លោក លោកស្រីសមាជិក សមាជិកា ក្រុមការងារ ថ្នាក់ស្រុក ថ្នាក់ឃុំ និងភូមិនៃឃុំពងទឹក បន្ទាប់មកក្រុមការងារបានចុះពិនិត្យ និងចូលរួមឧបត្ថម្ភការជីកស្រះក្នុងបរិវេណវិទ្យាល័យសម្តេច ហ៊ុន សែន ចំការដូង ដោយមានការចូលរួមពីលោកនាយករង លោកគ្រូ និងអ្នកគ្រូ។