ក្រុមការងារបច្ចេកទេសទឹកស្អាតរបស់មន្ទីរ ចុះត្រួតពិនិត្យបន្ទាន់ នៅប្រភពទឹកក្នុងស្រុកថ្មគោល

ខេត្តបាត់ដំបង៖ នាព្រឹកថ្ងៃពុធ ៨រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១ ខែឧសភា ឆ្នាំ២០២៤ ក្រុមការងារបច្ចេកទេសទឹកស្អាតរបស់មន្ទីរ ចុះត្រួតពិនិត្យបន្ទាន់នៅភូមិព្រះពន្លា ឃុំរូងជ្រៃ និងភូមិនិគមន៍កណ្តាល ឃុំជ្រោយស្តៅ ស្រុកថ្មគោល ដើម្បីពិនិត្យស្ថានភាពអណ្តូងស្នប់  និងប្រភពទឹករីងស្ងួតដោយសារការកើននៃកំដៅ ជូនប្រជាពលរដ្ឋដែលកំពុងជួបប្រទះការខ្វះខាតទឹកស្អាតប្រើប្រាស់។

បន្ទាប់ពីពិនិត្យរួចរាល់ហើយនោះ មានអណ្តូង ១កន្លែង នៅភូមិនិគមន៍កណ្តាល ឃុំជ្រោយស្ដៅ ស្រុកថ្មគោល បានខូចខាត ដូច្នេះក្រុមការងារបច្ចេកទេសទឹកនឹងត្រូវចុះជួសជុលបន្ទាន់ជូនពលរដ្ឋនៅមូលដ្ឋានភូមិខាងលើ។ ចំពោះស្ថានភាពប្រភពទឹកនៅ ភូមិព្រះន្លា ឃុំរូងជ្រៃ ស្រុកថ្មគោល គឺអណ្តូងស្នប់ នៅមានទឹកប្រើបានជាធម្មតាសម្រាប់ពលរដ្ឋក្នុងភូមិ ។