ប្រធានមន្ទីរអភិវឌ្ឍន៍ជនបទខេត្តកំពង់ចាម បានចូលរួមកិច្ចប្រជុំស្តីពីការត្រៀមបង្ការអន្តរាគមន៍ និងឆ្លើយតបទៅការខ្វះខាតទឹកស្អាតប្រើប្រាស់ក្នុងតំបន់ប្រឈម ក្នុងករណីគ្មានភ្លៀងធ្លាក់

ខេត្តកំពង់ចាម÷ នាព្រឹកថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧

ត្រូវនឹង ថ្ងៃទី៣០ ខែមេសា ឆ្នាំ២០២៤ លោក អុឹង វិសុទ្ធ ប្រធានមន្ទីរអភិវឌ្ឍន៍ជនបទខេត្តកំពង់ចាម បានអញ្ជើញចូលរួមកិច្ចប្រជុំស្តីពីការត្រៀមបង្ការអន្តរាគមន៍ និងឆ្លើយតបទៅការខ្វះខាតទឹកស្អាតប្រើប្រាស់ក្នុងតំបន់ប្រឈម ក្នុងករណីគ្មានភ្លៀងធ្លាក់ ក្រោមអធិបតីភាព ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ដោយមានការចូលរួមពីមន្ទីរជំនាញពាក់ព័ន្ធ និងកងកម្លាំងទាំង៣ ដោយបានពិភាក្សាលើការងារចំនួន ៤ សម្រាប់ត្រៀមរៀបចំផែនការអន្តរាគមន៍ ដោយក្នុងនោះមន្ទីរអភិវឌ្ឍន៍ជនបទខេត្តកំពង់ចាម ត្រូវ ÷

– ចុះជួសជុលអណ្តូងស្នប់ ៨ អណ្តូង ក្នុងឃុំត្រពាំងព្រះ ស្រុកព្រៃឈរ

– ចុះខួងអណ្តូងស្នប់Afridev ចំនួន ១ អណ្តូង ក្នុងស្រុកចំការលើ

– សហការជាមួយស្រុកទាំង៩ ធ្វើបច្ចុប្បន្នភាពស្រះរីងស្ងួត និងអណ្តូងខូច ឱ្យបានច្បាស់ដើម្បីខេត្តធ្វើរបាយការណ៍ទៅក្រសួងអភិវឌ្ឍន៍ជនបទ

– ត្រៀមទ្បានដឹកទឹកចំណុះ ៤ ០០០លីត្រ

ចុះចែកទឹកជូនប្រជាជនពេលមានតម្រូវការខ្វះខាតទឹកប្រើប្រាស់

– ស្នើសុំធុងដាក់ទឹក សាប៊ូលាងដៃ សម្ភារៈផ្សេងៗ ពីនាយកដ្ឋានថែទាំសុខភាពជនបទ ដើម្បីជួយសម្រួលដល់ប្រជាពលរដ្ឋកំទ្បុងពេលខ្វះទឹក

– ត្រៀមតង់កៅស៊ូ សាងសង់កន្លែងស្តុកទឹក

– ត្រៀមកម្លាងចុះជួយអន្តាគមន៍ ពេលមានករណីចាំបាច់៕