លោក វ៉ាន់ ថុល រៀបចំពិធីសូត្រមន្តចម្រើនព្រះបរិត្ត នៅមន្ទីរអភិវឌ្ឍន៍ជនបទខេត្តបាត់ដំបង

ខេត្តបាត់ដំបង ៖ នារសៀលថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នាំ២០២៤ នៅមន្ទីរអភិវឌ្ឍន៍ជនបទខេត្តបាត់ដំបង លោក វ៉ាន់ ថុល ប្រធានមន្ទីរ បាននិមន្តព្រះសង្ឃដើម្បីរៀបចំពិធីសូត្រមន្តចម្រើនព្រះបរិត្ត ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ ឆ្នាំរោង ដែលខិតជិតចូលមកដល់ក្នុងពេលឆាប់ៗនេះ ក្នុងឱកាសនោះដែរ លោកប្រធាន បានអញ្ជើញអតីតមន្រ្តីចូលនិវត្តន៍ចំនួន១៥ រូប បានជូនជាថវិកា និងរៀបចំអាហារសាមគ្គីជូនដល់មន្រ្តីរាជការនៃមន្ទីរអភិវឌ្ឍន៍ជនបទខេត្តបាត់ដំបងទាំងអស់៕