ឯកឧត្តម ស្រ៊ិន ពុទ្ធី អញ្ជើញចូលរួមសិក្ខាសាលាផ្សព្វផ្សាយ ស្ដីពីការកែសម្រួលសមាសភាព តួនាទី ភារកិច្ចក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ក្រោមជាតិរបស់គម្រោងកម្មវិធីអភិវឌ្ឍន៍ និងធ្វើឲ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ

ខេត្តកំពត៖ នាព្រឹកថ្ងៃសុក្រ ១០កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែធ្នូ ឆ្នាំ២០២៣ ឯកឧត្តម ស្រ៊ិន ពុទ្ធី ទីប្រឹក្សាក្រសួងអភិវឌ្ឍន៍ជនបទ ប្រធាននាយកដ្ឋានផ្គត់ផ្គង់ទឹកជនបទ និងជានាយកគម្រោងធនាគារអភិវឌ្ឍន៍អាស៊ី (ADB) បានអញ្ជើញចូលរួមសិក្ខាសាលាផ្សព្វផ្សាយ ស្ដីពីការកែសម្រួលសមាសភាព តួនាទី ភារកិច្ចក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ក្រោមជាតិរបស់គម្រោងកម្មវិធីអភិវឌ្ឍន៍ និងធ្វើឲ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ ក្រោមអធិបតីភាពឯកឧត្តម ស៊ីវ ផេង អភិបាលរង នៃគណៈអភិបាលខេត្តកំពត នៅមន្ទីរអភិវឌ្ឍន៍ជនបទខេត្តកំពត។

គោលបំណង នៃសិក្ខាសាលាផ្សព្វផ្សាយនេះ គឺផ្ដោតទៅលើការផ្សព្វផ្សាយសេចក្ដីណែនាំ ស្ដីពីសេចក្ដីសម្រេច ស្ដីពីការកែសម្រួលសមាសភាព តួនាទី ភារកិច្ចក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ក្រោមជាតិ និងពង្រឹងសមត្ថភាពបន្ថែមលើការរៀបចំក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ក្រោមជាតិ ដោយមានអ្នកចូលរួមសរុបចំនួន ៣៣នាក់៕