គណៈកម្មាធិការអន្តរក្រសួង ចុះត្រួតពិនិត្យ និងវាយតម្លៃ ១០០% លើគម្រោងផ្លូវក្រាលល្បាយថ្មភ្នំ ចំនួន ១ខ្សែ នៅឃុំតាសាញ ស្រុកសំឡូត

ខេត្តបាត់ដំបង៖ នៅថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៧  ខែធ្នូ ឆ្នាំ២០២៣  ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដី ក្រសួងអភិវឌ្ឍន៍ជនបទ បានដឹកនាំគណៈកម្មាធិការអន្តរក្រសួង រួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃ ១០០% លើគម្រោងផ្លូវក្រាលល្បាយថ្មភ្នំ ចំនួន ១ខ្សែ ប្រវែងសរុប ៣ ២០០ម៉ែត្រ ទទឹងខ្នងលើ ៨ម៉ែត្រ, កម្រាស់ ០,២ម៉ែត្រ, សាងសង់លូប្រអប់មុខពីរ ចំនួន០២កន្លែង, លូមូលមុខពីរចំនួន ០២កន្លែង, លូមូលមុខមួយចំនួន ៥កន្លែង, និងស្លាកឈ្មោះផ្លូវ ចំនួន០២កន្លែង មានទីតាំងនៅភូមិអន្លុងពួក ឃុំតាសាញ ស្រុកសំឡូត ខេត្តបាត់ដំបង។

ការងារស្ថាបនាផ្លូវខាងលើ អនុវត្តដោយ នាយកដ្ឋានស្ថាបនា និងវិស្វកម្ម នៃអគ្គនាយកដ្ឋានភស្តុភារ និងហិរញ្ញវត្ថុក្រសួងមហាផ្ទៃ ជាលទ្ធផល គណៈកម្មាធិការអន្តរក្រសួង បានឯកភាព សម្រេច ប្រគល់ ទទួលជាស្ថាពរ ការងារខាងលើ៕