ឯកឧត្តម បាន បូរ័ត្ន អគ្គនាយក នៃអគ្គនាយកដ្ឋានរដ្ឋបាលនិងហិរញ្ញវត្ថុ បានដឹកនាំកិច្ចប្រជុំជំនួបស្វាគមន៍ ប្រតិភូអាជ្ញាធរសវកម្មជាតិ ដែលមានបេសកកម្មធ្វើសវនកម្មលើរបាយការណ៍ហិរញ្ញវត្ថុរបស់អង្គភាពនានា របស់ក្រសួង

រាជធានីភ្នំពេញ៖ នាព្រឹកថ្ងៃព្រហស្បតិ៍ ៩រោច ខែជេស្ឋ ឆ្នាំម្សាញ់ សប្ដស័ក ពស ២៥៦៩ ត្រូវនឹងថ្ងៃទីទី១៩ ខែមិថុនា ឆ្នាំ២០២៥ ឯកឧត្តម បាន បូរ័ត្ន អគ្គនាយក នៃអគ្គនាយកដ្ឋានរដ្ឋបាលនិងហិរញ្ញវត្ថុ បានដឹកនាំកិច្ចប្រជុំជំនួបស្វាគមន៍ ប្រតិភូអាជ្ញាធរសវកម្មជាតិ ដឹកនាំដោយកញ្ញា គង់ លក្ខិណា ប្រធាននាយកដ្ឋានសវនកម្មទី១ និងសហការី ដែលមានបេសកកម្មធ្វើសវនកម្មលើរបាយការណ៍ហិរញ្ញវត្ថុរបស់អង្គភាពនានា ក្រោមឱវាទក្រសួងអភិវឌ្ឍន៍ជនបទសម្រាប់ការិយបរិច្ឆេទ២០២៤នៅទីស្ដីការក្រសួងអភិវឌ្ឍន៍ជនបទ។

កិច្ចប្រជុំនេះក៏មានការចូលរួម ពីលោក លោកស្រីអគ្គាធិការរង អគ្គនាយករង ប្រធាននាយកដ្ឋាន ទាំង១១ នៃក្រសួងអភិវឌ្ឍន៍ជនបទ តំណាងគណៈកម្មាធិការប្រយុទ្ធនឹងជំងឺអេដស៍ ក្រុមការងារយេនឌ័រ គណៈកម្មការបរិវត្តកម្មឌីជីថល គណៈកម្មការតាមដាន ត្រួតពិនិត្យ និងវាយតម្លៃការអនុវត្តគោលនយោបាយវិមជ្ឈការ និងវិសហមជ្ឈការ នៃក្រសួងអភិវឌ្ឍន៍ជនបទផងដែរ។