មន្ទីរអភិវឌ្ឍន៍ជនបទ ខេត្តកណ្តាល បានសហការជាមួយរដ្ឋបាលស្រុកលើកដែក និងរដ្ឋបាលស្រុកកៀនស្វាយ បានរៀបចំប្រជុំស្ដីពីការធ្វើបច្ចុប្បន្នភាពគណៈកម្មាធិកាអភិវឌ្ឍន៍ភូមិ (គ.អ.ភ)

ខេត្តកណ្តាល៖ នាព្រឹកថ្ងៃអង្គារ  ៣កើត ខែផល្គុន ឆ្នាំ ថោះបញ្ចស័ក ព.ស ២៥៦៧ ត្រូវនឹងថ្ងៃទី ១២ ខែ មិនា ឆ្នាំ  ២០២៤ មន្ទីរអភិវឌ្ឍន៍ជនបទខេត្តកណ្តាល បានសហការជាមួយរដ្ឋបាលស្រុកលើកដែក និងរដ្ឋបាលស្រុកកៀនស្វាយ បានរៀបចំប្រជុំស្ដីពីការធ្វើបច្ចុប្បន្នភាពគណៈកម្មាធិកាអភិវឌ្ឍន៍ភូមិ (គ.អ.ភ)ក្រោមអធិបតីភាព លោក សុស សុវណ្ណនី អនុប្រធានមន្ទីរ តំណាងលោកស្រី ជី ថាវី ប្រធានមន្ទីរអភិវឌ្ឍន៍ជនបទ ព្រមទាំងមានការអញ្ជើញចូលរួមពី លោក  វ៉ាត  រិទ្ធិ  អភិបាលរងស្រុកលើកដែក  និងលោកស្រី ហង្ស ចន្ថា  អភិបាលរងស្រុកកៀនស្វាយ ។

 

កិច្ចប្រជុំនេះមានការចូលរួមពីសំណាក់ លោកប្រធាន អនុប្រធានការិយាល័យអភិវឌ្ឍន៍សហគមន៍ និងមន្រ្ដី ការិយាល័យ លោកនាយករដ្ឋបាលសាលាស្រុក លោក លោកស្រី មេឃុំទាំង ០៧ឃុំ ក្នុងស្រុកលើកដែក និងលោក លោកស្រីមេឃុំទាំង៨ឃុំ ក្នុងស្រុកកៀនស្វាយ និងភាគីពាក់ព័ន្ធសរុប ៣៦ នាក់ ស្រី ៦នាក់។

 

គោលបំណងនៃកិច្ចប្រជុំនេះ ដើម្បីធ្វើបច្ចុប្បន្នភាពគណៈកម្មាធិកាអភិវឌ្ឍន៍ភូមិ (គ.អ.ភ) ដែលបាត់បង់    សមាភាពដោយសារការលាឈប់ ចាស់ជរា ផ្លាស់ប្តូរទីលំនៅ និងទទួលមរណៈភាពជាដើម។

 

ជាលទ្ធផលកិច្ចប្រជុំនេះមានការចូលរួមសហការគាំទ្រពីរដ្ឋបាលស្រុកយ៉ាងពេញទំហឹង ជាពិសេសលោក លោកស្រីមេឃុំ បានរៀបចំផែនការជ្រើសរើសសមាសភាពថ្មីទៅបំពេញបន្ថែមសមាសភាពគណកម្មាធិកាអភិវឌ្ឍន៍ភូមិ (គ.អ.ភ)ដែលបានបង់សមាសភាពដើម្បីពង្រឹងប្រសិទ្ធភាពការងារ។

Share your thoughts