លោកជំទាវ ម៉ាត់ ម៉ារ៉ា អញ្ជើញជាអធិបតីភាពក្នុងពិធីបើកការដ្ឋានសាងសង់ផ្លូវក្រាលកៅស៊ូ ២ជាន់ DBST ចំនួន ២ខ្សែ ប្រវែង៣១,៨គីឡូម៉ែត្រ នៅស្រុកត្បូងឃ្មុំ ខេត្តត្បូងឃ្មុំ

ខេត្តត្បូងឃ្មុំ៖ នាថ្ងៃអាទិត្យ៣រោច ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែមករា ឆ្នាំ២០២៤ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្តត្បូងឃ្មុំ បានអមដំណើរ លោកជំទាវ ម៉ាត់ ម៉ារ៉ា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញចូលរួមក្នុងពិធីបើកការដ្ឋានសាងសង់ផ្លូវក្រាលកៅស៊ូ ២ជាន់ DBST ចំនួន ២ខ្សែ ប្រវែង៣១,៨គីឡូម៉ែត្រ របស់គម្រោងកែលម្អការតភ្ជាប់ផ្លូវថ្នល់ (RCIP) ក្រោមហិរញ្ញប្បទានរបស់ធនាគារពិភពលោក (World Bank) តាមរយៈក្រសួងអភិវឌ្ឍន៍ជនបទ និងមន្ទីរអភិវឌ្ឍន៍ជនបទខេត្តត្បូងឃ្មុំ រួមមានដូចខាងក្រោម ៖

កម្មវិធីនេះធ្វើឡើងនៅក្នុងឃុំគរ ស្រុកត្បូងឃ្មុំ ដោយមានការចូលរួមពីប្រជាពលរដ្ឋដែលរស់នៅងតាមដងផ្លូវប្រមាណជាង ៤០០នាក់។

បន្ទាប់ពីបានស្តាប់សេចក្តីរាយការណ៍ពីសំណាក់លោក អាន ស៊ីណា ប្រធានមន្ទីរ រួចមក លោកជំទាវ ម៉ាត់ ម៉ារ៉ា រដ្ឋលេខាធិការ បានមានប្រសាសន៍កោតសរសើរដល់ លោកប្រធានមន្ទីរ ដែលបានខិតខំប្រឹងប្រែង និងបានពាំនាំនូវការផ្តាំផ្ញើសួរសុខទុក្ខពីសំណាក់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងចូលរូមត្រេកអជាមួយបងប្អូនប្រជាពលរដ្ឋដែលទទួលបាននូវ សមិទ្ធផលដ៏វិសេសវិសាល នេះផងដែរ។

ខ្សែផ្លូវនេះនឹងបញ្ចប់ការសាងសង់នៅដើមឆ្នាំ២០២៥ ខាងមុខនេះ៕