![ឯកឧត្ដមបណ្ឌិត នួន ពេជ្រនិមិត្ត អញ្ជើញជាអធិបតីសម្ពោធដាក់ឱ្យប្រើប្រាស់ស្ពានបេតុង ១កន្លែង នៅស្រុកសៀមបូក 7 photo 2024 07 26 12 43 39](https://www.mrd.gov.kh/wp-content/uploads/2024/07/photo_2024-07-26_12-43-39-150x150.jpg)
លោក ប្លង់ បញ្ញា អនុប្រធានមន្ទីរ អមដំណើរគណៈប្រតិភូក្រសួងពិនិត្យសមិទ្ធផលគម្រោងផ្គត់ផ្គង់ទឹកស្អាតនៅក្នុងខេត្ត
- ថ្ងៃទី២០ ខែធ្នូ ឆ្នាំ២០២៣ ម៉ោង ៨:១០ ព្រឹក
- សកម្មភាពក្រសួង
![លោក ប្លង់ បញ្ញា អនុប្រធានមន្ទីរ អមដំណើរគណៈប្រតិភូក្រសួងពិនិត្យសមិទ្ធផលគម្រោងផ្គត់ផ្គង់ទឹកស្អាតនៅក្នុងខេត្ត 2 photo 2023 12 18 08 25 49](https://www.mrd.gov.kh/wp-content/uploads/2023/12/photo_2023-12-18_08-25-49-1000x658.jpg)
ខេត្តពោធិ៍សាត់៖ នាថ្ងៃសៅរ៍ ៤កើត ខែមិគសិរ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី១៦ ខែធ្នូ ឆ្នាំ២០២៣ លោក ប្លង់ បញ្ញា អនុប្រធានមន្ទីរ រួមដំណើរដោយ លោក យឹម ជុក អនុប្រធានការិយាល័យ និងលោក សុខ គឹមសេង អនុប្រធានការិយាល័យ បានចូលរួមជាមួយគណ:ប្រតិភូ អញ្ជើញមកពីក្រសួងអភិវឌ្ឍន៍ជនបទ រួមជាមួយនិងម្ចាស់ជំនួយ បានអញ្ជើញទៅពិនិត្យសុពលភាពការងារសាងសង់អណ្តូងស្នប់ និងស្រះទឹកសហគមន៍ ក្នុងក្របខណ្ឌគម្រោងផ្គត់ផ្គង់ទឹកជនបទកម្ពុជា ក្រោមជំនួយឥតសំណងពីសាធារណរដ្ឋប្រជាមានិតចិន សម្រាប់ខេត្តពោធិ៍សាត់ក្នុង ឆ្នាំ២០២០-២០២១ ដែលមានអណ្ដូងសរុប ១០០អណ្ដូង ក្នុងនោះមានអណ្ដូងចំនួន ២អណ្ដូង ជាប្រភេទអណ្ដូង មានជម្រៅជ្រៅ និងស្រះសហគមន៍ទំហំ ៥០ម៉ែត្រ x៥០ម៉ែត្រ ជម្រៅ ៤ម៉ែត្រ ចំនួន ៧ស្រះ ក្នុងនោះស្រះធម្មតាមាន ៣ស្រះ និងស្រះដែលរៀបជើងទេរ មាន ៤ស្រះ ។
គម្រោងសម្រេចបានលទ្ធផលដូចខាងក្រោម ៖
-ក្រុងពោធិ៍សាត់ចំនួន ១០អណ្ដូង
-ស្រុកកណ្តៀងចំនួន ៥អណ្ដូង ,ស្រះសហគមន៍ ចំនួន ១ស្រះ
-ស្រុកបាកាន ចំនួន ៣ស្រះ
-ស្រុកតាលោសែនជ័យ ចំនួន ១ស្រះ
-ស្រុកភ្នំក្រវាញ ចំនួន ២អណ្ដូង
-ស្រុកវាលវែង ចំនួន ៨៣អណ្ដូង ;ស្រះសហគមន៍ ចំនួន ១ស្រះ
-ស្រុកក្រគរ ចំនួន ១ស្រះ ៕