![ឯកឧត្ដមបណ្ឌិត នួន ពេជ្រនិមិត្ត អញ្ជើញជាអធិបតីសម្ពោធដាក់ឱ្យប្រើប្រាស់ស្ពានបេតុង ១កន្លែង នៅស្រុកសៀមបូក 8 photo 2024 07 26 12 43 39](https://www.mrd.gov.kh/wp-content/uploads/2024/07/photo_2024-07-26_12-43-39-150x150.jpg)
ក្រុមការងារបច្ចេកទេសការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តកំពង់ធំ និង ក្រុមការងារបច្ចេកទេសនាយកដ្ឋានផ្លូវលំជនបទ ក្រសួងអភិវឌ្ឍន៍ជនបទ ចុះពិនិត្យ និងសិក្សាខ្សែផ្លូវ ចំនួន ០៥ខ្សែ ដែលរងការខូចខាតដោយសារជំនន់ទឹកភ្លៀង ក្នុងភូមិសាស្ត្រខេត្តកំពង់ធំ
- ថ្ងៃទី១៣ ខែវិច្ឆិកា ឆ្នាំ២០២៣ ម៉ោង ១២:០០ ល្ងាច
- សកម្មភាពក្រសួង
![ក្រុមការងារបច្ចេកទេសការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តកំពង់ធំ និង ក្រុមការងារបច្ចេកទេសនាយកដ្ឋានផ្លូវលំជនបទ ក្រសួងអភិវឌ្ឍន៍ជនបទ ចុះពិនិត្យ និងសិក្សាខ្សែផ្លូវ ចំនួន ០៥ខ្សែ ដែលរងការខូចខាតដោយសារជំនន់ទឹកភ្លៀង ក្នុងភូមិសាស្ត្រខេត្តកំពង់ធំ 2 photo 2023 11 08 17 22 33](https://www.mrd.gov.kh/wp-content/uploads/2023/11/photo_2023-11-08_17-22-33-1000x474.jpg)
ខេត្តកំពង់ធំ៖ នារសៀលថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៨ ខែវិច្ឆិកា ឆ្នាំ២០២៣ លោក តាន់ វាសនា ប្រធានមន្ទីរស្តីទី និងក្រុមការងារបច្ចេកទេសការិយាល័យផ្លូវជនបទ មន្ទីរអភិវឌ្ឍន៍ជនបទខេត្តកំពង់ធំ បានចូលរួមអមដំណើរជាមួយក្រុមការងារបច្ចេកទេសនាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ ចុះពិនិត្យ និងសិក្សាខ្សែផ្លូវដែលរងការខូចខាតដោយសារជំនន់ទឹកភ្លៀង ក្នុងភូមិសាស្ត្រខេត្តកំពង់ធំ ចំនួន ០៥ខ្សែ សរុបប្រវែង ៣៩,៦០០ម៉ែត្រ និងស្ពានឈើ ០១ កន្លែង ប្រវែង ៤០ម៉ែត្រ ស្ថិតក្នុងស្រុកប្រាសាទសំបូរ ស្រុកសន្ទុក និងស្រុកកំពង់ស្វាយ។
ការចុះពិនិត្យខ្សែផ្លូវដែលទទួលរងនូវការខូចខាត ដោយសារជំនន់ទឹកភ្លៀងនេះ គឺក្នុងគោលបំណងដើម្បីសិក្សាបឋមអំពីផលប៉ះពាល់ និងដើម្បីធ្វើជារបាយការណ៍អំពីផលប៉ះពាល់នេះជូន ឯកឧត្តមរដ្ឋមន្រ្ដី ពិនិត្យលទ្ធភាព និងសម្រេច លើកគម្រោងជួសជុលក្នុងពេលឆាប់ៗខាងមុខ ដើម្បីសម្រួលការធ្វើដំណើរ និងការដឹកជញ្ជូនរបស់ប្រជាពលរដ្ឋ៕