![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 10 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
ឯកឧត្តមបណ្ឌិត ជ្រុន ថេរ៉ាវ៉ាត ដឹកនាំគណៈប្រតិភូ អន្តរក្រសួង ចុះត្រួតពិនិត្យ និងវាយតម្លៃការងារថែទាំជាប្រចាំផ្លូវ DBST ចំនួន ៧ ខ្សែ និងផ្លូវដីល្បាយក្រួសចំនួន ១៥ ខ្សែ ក្នុងភូមិសាស្ដ្រខេត្តកំពង់ឆ្នាំង
- ថ្ងៃទី១២ ខែវិច្ឆិកា ឆ្នាំ២០២៣ ម៉ោង ៨:៤២ ព្រឹក
- សកម្មភាពក្រសួង
![ឯកឧត្តមបណ្ឌិត ជ្រុន ថេរ៉ាវ៉ាត ដឹកនាំគណៈប្រតិភូ អន្តរក្រសួង ចុះត្រួតពិនិត្យ និងវាយតម្លៃការងារថែទាំជាប្រចាំផ្លូវ DBST ចំនួន ៧ ខ្សែ និងផ្លូវដីល្បាយក្រួសចំនួន ១៥ ខ្សែ ក្នុងភូមិសាស្ដ្រខេត្តកំពង់ឆ្នាំង 2 IMG 20231112 083537 005](https://www.mrd.gov.kh/wp-content/uploads/2023/11/IMG_20231112_083537_005-1000x798.jpg)
ខេត្តកំពង់ឆ្នាំង៖ នាព្រឹកថ្ងៃសុក្រ ១២រោច ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១០ ខែវិច្ឆិកា ឆ្នាំ២០២៣ ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈប្រតិភូ អន្តរក្រសួង រួមមាន តំណាងក្រសួងអភិវឌ្ឍន៍ជនបទ និងតំណាងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃ (ដំណាក់កាលទី១) ការងារថែទាំជាប្រចាំផ្លូវ DBST ចំនួន ៧ ខ្សែ ប្រវែងសរុប ៥២ ៧៣០ ម៉ែត្រ ស្ថិតក្នុងស្រុកសាមគ្គីមានជ័យ និងស្រុករលាប្អៀរ និងប្រភេទផ្លូវដីល្បាយក្រួសចំនួន ១៥ ខ្សែ ប្រវែងសរុប ១១៨ ៨០០ ម៉ែត្រ ស្ថិតក្នុងស្រុកសាមគ្គីមានជ័យ ស្រុករលាប្អៀរ ស្រុកទឹកផុស និងស្រុកកំពង់ត្រឡាច។
ខ្សែផ្លូវខាងលើ អនុវត្តដោយមន្ទីរអភិវឌ្ឍន៍ជនបទខេត្តកំពង់ឆ្នាំង។
បន្ទាប់ពីបានត្រួតពិនិត្យ និងវាយតម្លៃលើគុណភាពខ្សែផ្លូវតាមលក្ខណៈបច្ចេកទេសរួចមក គណៈប្រតិភូអន្តរក្រសួង បានណែនាំដល់មន្ទីរអភិវឌ្ឍន៍ជនបទខេត្តកំពង់ឆ្នាំង ចំណុចដូចខាងក្រោម៖
១. ចំពោះផ្លូវប្រភេទ DBST ទាំង ៧ខ្សែ៖
មន្ទីរត្រូវជួសជុលឡើងវិញ នូវកន្លែងដែលស្រុត និងប៉ោងកៅស៊ូ ដោយឡានដឹក លើលទំងន់ សម្អាតប្រឡាយ និងសម្អាតមាត់លូ។
២. ចំពោះផ្លូវដីល្បាយក្រួសទាំង ១៥ខ្សែ៖ មន្ទីរត្រូវលុបសំបុកមាន់ ដែលទើបខូចដោយភ្លៀងធ្លាក់ជាប់ជាប្រចាំ រយៈពេលកន្លងមកនេះ និងធ្វើការជួសជុលឡើងវិញជាបន្ទាន់ត្រង់កន្លែងលិចទឹក ក្រោយពេលទឹកស្រក៕