លោក អៀម អឿន បានចូលរួមកិច្ចប្រជុំក្រុមការងារថ្នាក់ស្រុក DWG ស្ដីពីទឹកស្អាត និងអនាម័យ នៅសាលាស្រុកអូរយ៉ាដាវ និងស្រុកបរកែវ ខេត្តរតនគិរី

ខេត្តរតនគិរី៖ នៅថ្ងៃអង្គារ១១រោច ខែភទ្របទ ឆ្នាំថោះបញ្ចស័កព.ស.២៥៦៧ ត្រូវនឹងថ្ងៃទី១០ ខែតុលា ឆ្នាំ២០២៣ លោក អៀម អឿន ប្រធានមន្ទីរអភិជនបទ និងសហការី បានចូលរួមប្រជុំក្រុមការងារថ្នាក់ស្រុក DWG ស្ដីពីទឹកស្អាត និងអនាម័យ នៅសាលាស្រុកអូរយ៉ាដាវ និងនៅស្រុកបរកែវ ក្រោមអធិបតីភាព ឯកឧត្ដម ជា ថាវរិទ្ធ អភិបាលរងខេត្ត និងជាប្រធាន PWG និងមានសមាសភាពចូលរួមក្នុងស្រុកអូយ៉ាដាវមាន៖

1. លោក ហេង ប៊ុន្នី អភិបាលស្រុកអូរយ៉ាវ
2. មេឃុំ និងស្មៀនឃុំទាំង៧
3. និងក្រុមការងារ DWG ទាំងអស់ សរុប 23 រូប

គោលបំណងនៃកិច្ចប្រជុំ ដើម្បីស្វែងយល់នូវវឌ្ឍនភាពទឹកស្អាត និងអនាម័យតាមឃុំ និងសិក្សាអំពី បញ្ហា ការប្រឈម និងដាក់ចេញទិសដៅសម្រាប់អនុវត្តបន្ត

ឯកឧត្ដមប្រធានអង្គប្រជុំបានដាក់ចេញនូវទិសដៅសម្រាប់ស្រុកអូរយ៉ាដាវ រួមមាន៖

1- ស្រុកត្រូវ ចេញសេចក្ដីសម្រេចមួយ បែងចែកតួនាទីភារកិច្ចទទួលខុសត្រូវរបស់អភិបាលរងស្រុក ទទួលខុសត្រូវតាមឃុំ និង ចម្លងជូនមក លេខាធិការរដ្ឋានខេត្ត PWGs

2- ឃុំបែងចែកក្រុមបឹក្សារបស់ខ្លួនទទួលខុសត្រូវតាមភូមិ

3- ស្រុក ឃុំ ភូមិ ត្រូវណែនាំ ពន្យល់ ដល់ប្រជាពលរដ្ឋរបស់ខ្លួនអំពីអនាម័យ និងការសាងសង់បង្គន់

4- ស្នើរអោយស្រុកគិតគូ រកដីបំរុង ក្នុងភូមិ ឃុំ និង សម្រាប់ទីតាំងចាក់សម្រាម

5- ស្នើរ អោយមានជនបង្គោលក្នុងភូមិ សំអាត តាមទីសាធារណៈ វត្តអារាម សាលារៀន តាមដងផ្លូវ និងទីសាធារណផ្សេងៗ

6- ស្នើរ អោយមានរបាយការណ៍ច្បាស់លាស់អំពីទឹកស្អាត និងអនាម័យតាមភូមិ ឃុំ ស្រុក សម្រាប់ធ្វើផែនការ និងដាក់ចេញនៅទិសដៅសម្រាប់ជំរុញអោយទាន់ផែនការ ODF ថ្នាក់ជាតិ និងខេត្ត

នាពេលរសៀល ឯកឧត្តមបានបន្តទៅសាលាស្រុកបរកែវ ដែលមានសមាសភាពចូលរួមក្នុងស្រុកបរកែវ មាន៖

1. លោក កង សារឿន អភិបាលស្រុកបរកែវ
2. លោក លោកស្រី មេឃុំទាំង 6
3. សមាសភាព DWGទាំងអស់ សរុប 20 នាក់

ឯកឧត្ដមប្រធានអង្គប្រជុំបានដាក់ចេញនូវទិសដៅសម្រាប់ស្រុកបរកែវ រួមមាន៖

1- ស្នើអភិបាលស្រុក រៀបចំក្រុមការងារ ចាត់អោយ អភិបាលរងសុកទាំងអស់ ទទួលបន្ទុកតាមឃុំ

2- មេឃុំទាំង 6 រៀបចំ និងអញ្ជើញក្រុមប្រឹក្សាទាំងអស់ ប្រជុំចែក គ្នាចុះតាមភូមិ

3- ស្រុក មេឃុំ ត្រូវរៀបចំកម្មវិធីសំអាត តាម សាលារៀន មណ្ឌលសុខភាព វត្តអារាម តាមដងផ្លូវសាធារណ: ដោយកំណត់យកថ្ងៃណាមួយជារៀងរាល់សប្ដាហ៍

4- មន្ទីរត្រូវសហការជាមួយភូមិ ឃុំ ស្រុកយកទិន្ន័យអំពីទីស្អាតនិងអនាម័យ អោយបានច្បាស់

5- ស្នើអភិបាលពិនិត្យមើល អាទិភាពរកទីតាំងដើម្បីចាក់សំរាម ដូចគ្នានេះដែរ ឃុំក៏ត្រូវរកទីតាំង ចាក់សំរាមដែរ