ឯកឧត្តម អ៊ិន ចន្ថា អញ្ជើញដឹកនាំគណៈកម្មាធិការអន្តរក្រសួង ដើម្បីចុះត្រួតពិនិត្យ និងវាយតម្លៃបញ្ចប់សុពលភាព នៅលើផ្លូវថែទាំខួប ក្រាលល្បាយថ្មភ្នំ ចំនួន១ខ្សែ នៅខេត្តបាត់ដំបង

ខេត្តបាត់ដំបង៖ នារសៀលអង្គារ ៦រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែឧសភា ឆ្នាំ២០២៤ ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មាធិការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដើម្បីចុះត្រួតពិនិត្យ និងវាយតម្លៃបញ្ចប់សុពលភាព នៅលើផ្លូវថែទាំខួប ក្រាលល្បាយថ្មភ្នំ ចំនួន១ខ្សែ (ផ្លូវភូមិអូរល្វា ទៅភូមិឬស្សី )ប្រវែង ១១ ០៨០ម ទទឹង៥ម និងសំណង់សិល្បការ្យមួយចំនួន ស្ថិតក្នុងឃុំ ជ្រៃសីមា ស្រុកសំពៅលូន ខេត្តបាត់ដំបង។

បន្ទាប់ពីបានចុះត្រួតពិនិត្យ និងប្រជុំពិភាក្សារួចមក គណៈកម្មាធិការអន្តរក្រសួង បានឯកភាពទទួលយកដើម្បីបញ្ចប់សុពលភាពជាស្ថាពរ៕