ឯកឧត្តម អុឹង វណ្ណា អញ្ជើញទៅពិនិត្យទីតាំងសម្រាប់ជីកស្រះទឹកជូនប្រជាពលរដ្ឋ នៅក្នុងភូមិក្រាំងស្គារ ឃុំក្រាំងស្គារ ស្រុកទឹកផុស

ខេត្តកំពង់ឆ្នាំង ៖ នាថ្ងៃព្រហស្បតិ៍ ៧កើត ខែជេស្ឋ ត្រូវនឹងថ្ងៃទី១៣ ខែមិថុនា ឆ្នាំ២០២៤ ក្រុមការងារបច្ចេកទេសទឹកស្អាត នៃមន្ទីរអភិវឌ្ឍន៍ជនបទខេត្តកំពង់ឆ្នាំង ដឹកនាំដោយ ឯកឧត្តម អុឹង វណ្ណា អនុរដ្ឋលេខាធិការក្រសួងអភិវឌ្ឍន៍ជនបទ បានអញ្ជើញទៅពិនិត្យទីតាំងសម្រាប់ជីកស្រះទឹក ដែលបានស្នើសុំពីប្រជាពលរដ្ឋ កាលពីថ្ងៃទី២២ ខែមេសា ឆ្នាំ២០២៤ ស្ថិតក្នុងភូមិក្រាំងស្គារ ឃុំក្រាំងស្គារ ស្រុកទឹកផុស ខេត្តកំពង់ឆ្នាំងមានទំហំ ៣០x៤០x៤ម៉ែត្រ និងបានប្រគល់ថវិកាមួយចំនួនដើម្បីឲ្យមេឃុំរៀបចំដាំស្មៅតាមជើងទេរស្រះ រៀបចំធ្វើរបងលួស និងធ្វើច្រកទ្វារចេញចូលស្រះទឹកផងដែរ ៕