ឯកឧត្តម ស្រុិន ពុទ្ធី អញ្ជើញជាអធិបតីក្នុងពិធីបើកវគ្គបណ្ដុះបណ្ដាល ស្ដីពីភាពជាអ្នកដឹកនាំស្រ្តីក្នុងការជួសជុល និងថែទាំអណ្ដូងស្នប់ យុទ្ធសាស្រ្តអនុវត្កក្រោយស្ថានភាពបញ្ចប់ការបន្ទោបង់ពាសវាលពាសកាល និងនីតិវិធីប្រតិបត្តិស្តង់ដារ នៃការគ្រប់គ្រងកាកសំណល់លាមកតាមគ្រួសារ នៅតំបន់ជនបទ

ខេត្តកំពង់ស្ពឺ៖ នាព្រឹកថ្ងៃព្រហស្បតិ៍ ៩ រោច ខែចេត្រ ឆ្នាំ រោង ឆស័ក ព.ស. ២៥៦៧ ត្រូវ នឹង ថ្ងៃ ទី ២ ខែ ឧសភា ឆ្នាំ ២០២៤ ឯកឧត្តម ស្រុិន ពុទ្ធី ទីប្រឹក្សាក្រសួងអភិវឌ្ឍន៍ជនបទ ប្រធាននាយកដ្ឋានផ្គត់ផ្គង់ទឹកជនបទ និងជានាយក គម្រោង ធនាគារអភិវឌ្ឍន៍អាសុី(ADB) បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាល ស្ដីពីភាពជាអ្នកដឹកនាំស្រ្តីក្នុងការជួសជុល និងថែទាំអណ្ដូងស្នប់ យុទ្ធសាស្រ្តអនុវត្តក្រោយស្ថានភាពបញ្ចប់ការបន្ទោបង់ពាសវាលពាសកាល និងនីតិវិធីប្រតិបត្តិស្តង់ដារ នៃការគ្រប់គ្រងកាកសំណល់លាមកតាមគ្រួសារ នៅតំបន់ជនបទ នៅសណ្ឋាគារ ផាមរីវើ ខេត្តកំពង់ស្ពឺ និងមានអ្នកចូលរួមសរុបចំនួន ៧០ នាក់(ស្រី ៥០ នាក់)។

គោលបំណង នៃវគ្គបណ្ដុះបណ្ដាលនេះ គឺ
១-បង្កើនចំណេះដឹងបន្ថែមលើភាពជាអ្នកដឹកនាំជូនមន្រ្តីរដ្ឋបាលស្រុក និងមន្រ្តីមន្ទីរអភិវឌ្ឍន៍ជនបទខេត្តចំនួន ០៥ គឺខេត្តកំពង់ស្ពឺ កំពត កំពង់ឆ្នាំង កណ្ដាល និងស្វាយរៀង ដែលជាស្រ្តី
២-ពង្រឹងសមត្ថភាពបច្ចេកទេសបន្ថែមលើការជួសជុល និងថែទាំអណ្ដូងស្នប់
៣-ផ្សព្វផ្សាយយុទ្ធសាស្រ្តអនុវត្តក្រោយស្ថានភាពបញ្ចប់ការបន្ទោបង់ពាសវាលពាសកាល។