ឯកឧត្តម យឹម ជុង អញ្ជើញចូលរួមកិច្ចប្រជុំស្តីពី  Review and Inception Mission Concurrence-IAIP-AF

រាជធានីភ្នំពេញ៖ នាព្រឹកថ្ងៃចន្ទ ១២រោចខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកុម្ភៈ ឆ្នាំ២០២៥ ឯកឧត្តម យឹម ជុង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ប្ញទ្ឋិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញចូលរួមកិច្ចប្រជុំស្តីពី  Review and Inception Mission Concurrence-IAIP-AF ។ កិច្ចប្រជុំនេះបានរៀបចំដោយក្រសួងធនធានទឹក និងឧតុនិយម ក្រោមអធិបតីភាពឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម និងជានាយកគម្រោង ដែលប្រព្រឹត្តទៅនៅសាលប្រជុំ ក្រសួងធនធានទឹក និងឧតុនិយម។

កិច្ចប្រជុំនេះមានគោលបំណងពិនិត្យអំពីវឌ្ឍនភាពគម្រោង បញ្ហាប្រឈម ដំណោះស្រាយ និងទិសដៅបន្តរបស់គម្រោង ដែលមានការចូលរួមពីតំណាងថ្នាក់ដឹកនាំក្រសួងពាក់ព័ន្ធ មន្ទីរធនធានទឹក និងឧតុនិយម និងអាជ្ញាធរដែនដីខេត្តគោលដៅគម្រោង និងក្រុមបេសកកម្មធនាគាអភិវឌ្ឍន៍អាស៊ី។

គម្រោងនេះមានថវិកាសរុបចំនួន ២១១,៤៥ លានដុល្លារអាមេរិក រយៈពេលអនុវត្តន៍គម្រោង ៨ឆ្នាំចាប់ពីខែវិច្ឆិកា ឆ្នាំ២០១៩ ដល់ ខែវិច្ឆិកា ឆ្នាំ២០២៧៕