ឯកឧត្តម ប៉ា សុខុម អញ្ជើញដឹកនាំកិច្ចប្រជុំប្រចាំត្រីមាសទី ២ និងលើកទិសដៅអនុវត្តការងារបន្តត្រីមាសទី ៣ ឆ្នាំ២០២៥ របស់មន្ទីរអភិវឌ្ឍន៍ជនបទខេត្តកំពង់ឆ្នាំង

ខេត្តកំពង់ឆ្នាំង៖ នាថ្ងៃព្រហស្បតិ៍ ៩រោច ខែជេស្ឋ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី១៩ ខែមិថុនា ឆ្នាំ២០២៥ ឯកឧត្តម ប៉ា សុខុម រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ទទួលបន្ទុកត្រួតពិនិត្យ និងវាយតម្លៃការអនុវត្តផែនការសកម្មភាពអភិវឌ្ឍន៍ជនបទរបស់មន្ទីរអភិវឌ្ឍន៍ជនបទខេត្តកំពង់ឆ្នាំង បានអញ្ជើញដឹកនាំកិច្ចប្រជុំប្រចាំត្រីមាសទី ២ និងលើកទិសដៅអនុវត្តការងារបន្តនៅត្រីមាសទី ៣ ឆ្នាំ២០២៥ របស់មន្ទីរអភិវឌ្ឍន៍ជនបទខេត្តកំពង់ឆ្នាំង ដោយមានការចូលរួមពីឯកឧត្តម ឈួរ ចន្ទ័ឌឿន អនុរដ្ឋលេខាធិការ ឯកឧត្តមទីប្រឹក្សាអមក្រសួងអភិវឌ្ឍន៏ជនបទ លោក ពេជ្រ កែវមុនី អភិបាលរងខេត្ត លោក ជិន រដ្ឋា ប្រធានមន្ទីរ លោក លោកស្រីអនុប្រធានមន្ទីរ ប្រធានការិយាល័យ អនុប្រធានការិយាល័យ មន្ត្រីរបស់មន្ទីរអភិវឌ្ឍន៍ជនបទខេត្តកំពង់ឆ្នាំងសរុប ចំនួន ៥២ រូប ។