ឯកឧត្តម ទ្រី មេង ដឹកនាំគណៈកម្មការអន្តរក្រសួង ចុះត្រួតពិនិត្យ វាយតម្លៃលើការងារស្តារឡេីងវិញផ្លូវក្រាលដីល្បាយក្រួសចំនួន ០១ខ្សែ
- ថ្ងៃទី២៥ ខែមិនា ឆ្នាំ២០២៤ ម៉ោង ៦:០០ ល្ងាច
- សកម្មភាពក្រសួង
ខេត្តសៀមរាប៖ នៅថ្ងៃចន្ទ ១រោច ខែផល្គុន ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៥ ខែមីនា ឆ្នាំ២០២៤ ឯកឧត្តម ទ្រី មេង រដ្ឋលេខាធិការ តំណាងដ៏ខ្ពង់ខ្ពស់ឯកឧត្យម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈកម្មការអន្តរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ បានចុះត្រួតពិនិត្យ វាយតម្លៃលើការងារស្តារឡេីងវិញផ្លូវក្រាលដីល្បាយក្រួសចំនួន ០១ខ្សែ ប្រវែង ៧ ០០០ ម៉ែត្រ ទទឹង ៧ ម៉ែត្រ កម្រាស់ ០,២០ ម៉ែត្រ ស្ថាបនាលូមូលមុខពីរចំនួន ០១កន្លែង លុូមូលមុខមួយចំនួន ០៣កន្លែង នឹងផ្លាកឈ្មោះផ្លូវចំនួន ០២កន្លែង ស្ថិតនៅភូមិចំបក់ខ្ពស់ ទៅភូមិរូងថ្មី ឃុំល្វែងឬស្សី ស្រុកជីក្រែង ខេត្តសៀមរាប (គម្រោងលេខ DRR-NC-2023-No.081) អនុវត្តដោយនាយកដ្ឋានវិស្វកម្មក្រសួងការពារជាតិ ប្រេីប្រាស់ថវិកាជំពូក២១ ។
ជាលទ្ធផលគណៈកម្មការអន្តរក្រសួង ឯកភាពប្រគល់ទទួលបញ្ចប់ ១០០% ។
