ឯកឧត្តម ជ្រាយ ប៉ុម បានរៀបចំវេទិកាសាធារណៈ ជាមួយបងប្អូនប្រជាពលរដ្ឋនៅឃុំពាម ស្រុកសាមគ្គីមានជ័យ

ខេត្តកំពង់ឆ្នាំង៖ នាព្រឹកថ្ងៃសុក្រ ៨រោច ខែអស្សុជឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៥ ខែតុលា ឆ្នាំ២០២៤ ឯកឧត្តម ជ្រាយ ប៉ុម ប្រធានក្រុមការងាររាជរដ្ឋាភិបាល ចុះមូលដ្ឋានឃុំពាម នៃស្រុកសាមគ្គីមានជ័យ បានរៀបចំវេទិកាសាធារណៈ ដើម្បីតាមដាន ត្រួតពិនិត្យ និងជំរុញការអនុវត្តកម្មវិធីនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល និងស្វែងយល់អំពីក្តីកង្វល់ បញ្ហាប្រឈម និងសំណូមពរនានារបស់បងប្អូនប្រជាពលរដ្ឋនៅឃុំពាម។

វេទិកានេះ រៀបចំឡើងនៅវត្តច្រកស្តេច ភូមិច្រកស្តេច ឃុំពាម ស្រុកសាមគ្គីមានជ័យ ដោយមានការអញ្ជើញចូលរួមពី លោក លោកស្រីជា អនុប្រធាន សមាជិក សមាជិកា នៃក្រុមការងារចុះជួយឃុំពាម តំណាងមន្ទីរអភិវឌ្ឍន៍ជនបទខេត្តកំពង់ឆ្នាំង អាជ្ញាធរមូលដ្ឋាន កងកម្លាំង និងប្រជាពលរដ្ឋនៃឃុំពាម ស្រុកសាមគ្គីមានជ័យ សរុបចំនួន ១១៦នាក់ ស្រី ២២នាក់។

ជាលទ្ធផល អង្គវេទិកាមានបញ្ហា និងសំណូមពរចំនួន ១៦ ត្រូវបានលើកឡើងពីសំណាក់បងប្អូនប្រជាពលរដ្ឋ។