ឯកឧត្តម ឆាយ ឫទ្ធិសែន អនុញ្ញាតជូន លោក RAM Kishan នាយកអង្គការភ្លែនអន្តរជាតិប្រចាំតំបន់អាស៊ី និងប៉ាស៊ីហ្វិក និងសហការី ចូលជួបសម្តែងការគួរសម និងពិភាក្សាការងារ។
- ៨ នាទីមុន ថ្ងៃទី៨ ខែឧសភា ២០២៦
- សកម្មភាពក្រសួង
ឯកឧត្តម ឆាយ ឫទ្ធិសែន អនុញ្ញាតជូន លោក RAM Kishan នាយកអង្គការភ្លែនអន្តរជាតិប្រចាំតំបន់អាស៊ី និងប៉ាស៊ីហ្វិក និងសហការី ចូលជួបសម្តែងការគួរសម និងពិភាក្សាការងារ។
[English Below] រាជធានីភ្នំពេញ៖ នារសៀលថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៨ ខែឧសភា ឆ្នាំ២០២៦ នៅទីស្តីការក្រសួងអភិវឌ្ឍន៍ជនបទ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអនុញ្ញាតជូន លោក RAM Kishan នាយកអង្គការភ្លែនអន្តរជាតិប្រចាំតំបន់អាស៊ី និងប៉ាស៊ីហ្វិក និងសហការី ចូលជួបសម្តែងការគួរសម និងពិភាក្សាការងារ។
ជាកិច្ចចាប់ផ្តើម ឯកឧត្តមរដ្ឋមន្ត្រី បានសម្តែងការស្វាគមន៍ចំពោះលោកនាយក និងសហការីដែលបានអញ្ជើញមកនាឱកាសនេះ ក៏ដូចជាសម្តែងការអបអរសាទរចំពោះលោក RAM Kishan ដែលទើបទទួលបានតួនាទីជានាយកអង្គការភ្លែនប្រចាំតំបន់អាស៊ី និងប៉ាស៊ីហ្វិកផងដែរ។ ឯកឧត្តមរដ្ឋមន្ត្រី បានជម្រាបជូនប្រតិភូ អំពីការអភិវឌ្ឍប្រទេស ក្រោមម្លប់សន្តិភាព ក្រោមការដឹកនាំដ៏ឈ្លាសវៃ និងត្រឹមត្រូវរបស់ សម្តេចអគ្គមហាសេនាបតីតេជោ ហ៊ុន សែន បិតាសន្តិភាពនៃកម្ពុជា អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា និងក្រោមការដឹកនាំបន្តវេនប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈការដាក់ចេញនូវយុទ្ធសាស្ត្របញ្ចកោណដំណាក់កាលទី១ សំដៅសម្រេចឱ្យបានចក្ខុវិស័យកម្ពុជាឆ្នាំ ២០៥០ ជាប្រទេសដែលមានប្រាក់ចំណូលកម្រិតខ្ពស់។ ជាមួយគ្នានេះដែរ ឯកឧត្តមរដ្ឋមន្ត្រី ក៏បានបន្តលើកឡើងអំពីសមិទ្ធផលនានាដែលសម្រេចបាននាពេលកន្លងមករបស់ក្រសួងអភិវឌ្ឍន៍ជនបទ ក្រោមចក្ខុវិស័យ “កសាងសង្គមជនបទកម្ពុជាឱ្យមានវិបុលភាពប្រកបដោយបរិយាបន្ន សមធម៌ និងចីរភាព” ស្របតាមគោលនយោបាយជាតិស្ដីពី ការអភិវឌ្ឍជនបទ ឆ្នាំ២០២៥-២០៣៥ ដែលបានដាក់ចេញនូវកម្មវិធីអាទិភាពរបស់ខ្លួនចំនួន ៥ ផងដែរ។ ឯកឧត្តមរដ្ឋមន្ត្រី ក៏បានគូសបញ្ជាក់បន្ថែមផងដែរថា សមិទ្ធផលទាំងអស់នេះបានមកពីការចូលរួមចំណែករបស់ដៃគូអភិវឌ្ឍន៍ អង្គការមិនមែនរដ្ឋាភិបាលនានា ដែលក្នុងនោះក៏មានអង្គការ Plan International ផងដែរ ដែលជាដៃគូយ៉ាងជិតស្និតក្នុងការអនុវត្តកម្មវិធីយុទ្ធសាស្ត្ររបស់ក្រសួង ពិសេសលើកម្មវិធីទី២ ដែលផ្តោតលើការងារទឹកស្អាត និងអនាម័យនៅជនបទ ដែលអាចជួយអោយក្រសួងសម្រេចបានតាមគោលដៅឆ្នាំ ២០៣០ ជនបទនៅកម្ពុជាទទួលបានអាត្រាគ្របដណ្ដប់នៃទឹកស្អាត និងអនាំម័យកម្រិតមូលដ្ឋានមានអត្រា ១០០% ។ សូមបញ្ជាក់ថានៅក្នុងឆ្នាំ ២០២៥ កន្លងនៅនេះ កម្ពុជាត្រូវបានប្រកាសទទួលស្គាល់ជាប្រទេសបញ្ចប់ការបន្ទោបង់ពាសវាលពាសកាល (ODF)។
បន្ទាប់ពីប្រសាសន៍ស្វាគមន៍របស់ ឯកឧត្តមរដ្ឋមន្ត្រី រួចមក លោកនាយកអង្គការភ្លែនប្រចាំតំបន់អាស៊ី និងប៉ាស៊ីហ្វិក បានសម្តែងការកោតសរសើរ និងវាយតម្លៃខ្ពស់ចំពោះការអភិវឌ្ឍក្នុងសន្ទុះមួយដ៏លឿនរបស់កម្ពុជា។ លោកនាយកក៏បានសម្តែងការអបអរសាទរចំពោះសមិទ្ធផលនានា ដែលក្រសួងអាចសម្រេចបាននាពេលកន្លងមក។ លោកបានសម្តែងសេចក្តីរំភើប និងត្រេកអរ ចំពោះការលើកឡើងរបស់ឯកឧត្តមរដ្ឋមន្ត្រី ដែលបេសកកម្មរបស់អង្គការភ្លែនអន្តរជាតិស្របជាមួយនឹងផែនការយុទ្ធសាស្រ្តរបស់ក្រសួងអភិវឌ្ឍន៍ជនបទ។ លោកបានសម្តែងការប្តេជ្ញាចិត្តយ៉ាងមុតមាំក្នុងការចូលរួមសហការជាមួយក្រសួងអភិវឌ្ឍន៍ជនបទបន្តទៀតដើម្បីសម្រេចបានផែនការយុទ្ធសាស្រ្តជាតិស្តីពីការផ្គត់ផ្គង់ទឹកស្អាត និងការលើកកម្ពស់អនាម័យនៅជនបទ ឆ្នាំ ២០២៦-២០៣៣។
មុននឹងបញ្ចប់ ឯកឧត្តមរដ្ឋមន្ត្រី បានសម្តែងសេចក្ដីរីករាយ និងថ្លែងអំណរគុណចំពោះ លោកនាយក និងសហការី ដែលបានបង្ហាញអំពីការប្តេជ្ញាចិត្តបន្តកិច្ចសហប្រតិបត្តិការជាមួយក្រសួងអភិវឌ្ឍន៍ជនបទ ឯកឧត្តមរដ្ឋមន្ត្រីក៏បានបង្ហាញអំពីឆន្ទៈធ្វើអោយកិច្ចសហប្រតិបត្តិការនេះសម្រេចបានជោគជ័យផងដែរ៕
Phnom Penh: On the afternoon of Friday, May 8, 2026, at the Ministry of Rural Development, H.E. Chhay Rithisen, Minister of Rural Development, received Mr. RAM Kishan, Plan International’s Regional Director for Asia and the Pacific, together with his colleagues, for a courtesy call and discussion.
Opening the meeting, the Minister warmly welcomed the delegation and congratulated Mr. RAM Kishan on his recent appointment. He briefed the guests on Cambodia’s development under lasting peace and the wise leadership of Samdech Akka Moha Sena Padei Techo Hun Sen—Father of Peace of Cambodia, former Prime Minister and current President of the Senate—and under the continued, principled leadership of Samdech Moha Borvor Thipadei Hun Manet, Prime Minister of the Kingdom of Cambodia, through the Pentagonal Strategy—Phase I—aimed at realizing Cambodia’s 2050 vision of becoming a high income country.
The Minister also highlighted the Ministry’s achievements under the vision “Building Cambodia’s Rural Society to be Prosperous with Inclusiveness, Equity, and Sustainability,” which aligns with the National Policy on Rural Development 2025–2035 and sets out five priority programs. He emphasized that these outcomes have been made possible by the contributions of development partners and NGOs—including Plan International—who have served as close partners in implementing the Ministry’s strategic programs, especially Program 2 on rural water, sanitation, and hygiene (WASH). This collaboration supports the 2030 target of achieving 100% basic rural water and sanitation coverage. He further noted that in 2025, Cambodia was declared Open Defecation Free (ODF) nationwide.
In response, Mr. RAM Kishan praised Cambodia’s rapid development and congratulated the Ministry on its accomplishments. He expressed delight that Plan International’s mission aligns with the Ministry’s strategic plans and affirmed a strong commitment to deepen cooperation to help realize the National Strategy for Rural Clean Water Supply and Sanitation 2026–2033.
Before concluding, the Minister expressed appreciation to Mr. RAM Kishan and his team for their commitment to continued collaboration with the Ministry of Rural Development, and reaffirmed his determination to ensure that this partnership achieves successful outcomes.
