ឯកឧត្តម ឆាយ ឫទ្ធិសែន និងលោកជំទាវ អញ្ជើញចូលរួមក្នុងពិធីដង្ហែសព ឧបាសក ផៃ អៀង ចេញពីគេហដ្ឋាននៃសពស្ថិតនៅសង្កាត់ក្រាំងធ្នង់ ឆ្ពោះទៅបញ្ចុះនៅវត្តកៀនស្វាយក្រៅ ឃុំគគីរ ស្រុកកៀនស្វាយ ខេត្តកណ្ដាល

ឯកឧត្តម ឆាយ ឫទ្ធិសែន និងលោកជំទាវ អញ្ជើញចូលរួមក្នុងពិធីដង្ហែសព ឧបាសក ផៃ អៀង ចេញពីគេហដ្ឋាននៃសពស្ថិតនៅសង្កាត់ក្រាំងធ្នង់ ឆ្ពោះទៅបញ្ចុះនៅវត្តកៀនស្វាយក្រៅ ឃុំគគីរ ស្រុកកៀនស្វាយ ខេត្តកណ្ដាល

[English Below] រាជធានីភ្នំពេញ៖ នាព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោកជំទាវ វង គន្ធារី ឆាយឫទ្ធិសែន រួមជាមួយ ឯកឧត្តមរដ្ឋលេខាធិការប្រចាំការ ឯកឧត្តម លោកជំទាវ លោក លោកស្រី ជាថ្នាក់ដឹកនាំក្រសួង បានអញ្ជើញចូលរួមក្នុងពិធីដង្ហែសព ឧបាសក ផៃ អៀង ដែលត្រូវជាឪពុកបង្កើតរបស់ ឯកឧត្តម ផៃ ចាន់ធី អនុរដ្ឋលេខាធិការ និងជានាយកខុទ្ទកាល័យក្រសួងអភិវឌ្ឍន៍ជនបទ ចេញពីគេហដ្ឋាននៃសពស្ថិតនៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ឆ្ពោះទៅបញ្ចុះនៅវត្តកៀនស្វាយក្រៅ ស្ថិតនៅឃុំគគីរ ស្រុកកៀនស្វាយ ខេត្តកណ្ដាល ។

ជាកិច្ចជូនដំណើរជាលើកចុងក្រោយ ជាមួយនឹងមនោសញ្ចេតនាប្រកបដោយសមានទុក្ខនោះ ឯកឧត្តម ឆាយ ឫទ្ធិសែន និងលោកជំទាវ ព្រមទាំងក្រុមគ្រួសារ សាច់ញាតិទាំងអស់ បានឧទ្ទិសបួងសួងដល់តេជៈបារមី នៃព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយយិតយោងដួងវិញ្ញាណក្ខន្ធរបស់ ឧបាសក ផៃ អៀង សូមបានសោយសុខក្នុងសុគតិភពកុំបីក្លាយទៅជាបការៈដទៃឡើយ។

សូមរំលឹកជូនផងដែរថា ឧបាសក ផៃ អៀង បានទទួលមរណភាពនៅថ្ងៃអាទិត្យ ២រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែឧសភា ឆ្នាំ២០២៦ វេលាម៉ោង ១:២៣នាទីរសៀល ក្នុងជន្មាយុ ៨៨ឆ្នាំ ដោយជរាពាធ៕

Phnom Penh: On the morning of Wednesday, May 6, 2026, H.E. Chhay Rithisen, Minister of Rural Development, and Lok Chumteav Vong Kuntheary Chhay Rithisen, together with the Permanent Secretary of State and senior leaders of the Ministry, joined the funeral procession of the late Lay Devotee Phay Ieng, father of H.E. Phay Chanty, Undersecretary of State and Director of the Cabinet at the Ministry of Rural Development. The procession departed from the family residence in Krang Thnong Sangkat, Sen Sok District, Phnom Penh, for interment at Wat Kien Svay Krau, Koki Commune, Kien Svay District, Kandal Province.

With heartfelt sympathy on this final send‑off, H.E. the Minister, Lok Chumteav, and the bereaved family and relatives dedicated prayers, invoking the merits of the Triple Gem and sacred virtues, beseeching blessings for the noble spirit of Lay Devotee Phay Ieng to abide in a blissful realm, free from further suffering, at the age of 88.