ឯកឧត្តម កែវ សិគុណ បានអញ្ជើញជាធិបតី ក្នុងកម្មវិធីប្រកាសបញ្ចប់បន្ទោរបង់ពាសវាលពាលកាសកាល(ODF) ថ្នាក់ស្រុក

ខេត្តស្ទឹងត្រែង៖ នាព្រឹកថ្ងៃសុក្រ ៣កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៤ ឯកឧត្តម កែវ សិគុណ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជាធិបតី ក្នុងកម្មវិធីប្រកាសបញ្ចប់បន្ទោរបង់ពាសវាលពាសកាល (ODF) នៅស្រុកសៀមបូក មានការអញ្ជើញចូលរួមពីសំណាក់ ឯកឧត្តមសមាជិកក្រុមប្រឹក្សាខេត្ត ឯកឧត្តមអភិបាលរងនៃគណអភិបាលខេត្ត លោក លោកស្រីប្រធានមន្ទីរ អភិបាលនៃគណអភិបាលក្រុង ស្រុក ប្រធាន អនុប្រធាន និងសមាជិកនៃលេខាធិការដ្ឋាន (PWG) ក្រុមការងារមន្ទីរអភិវឌ្ឍន៍ជនបទខេត្ត អាជ្ញាធរមូលដ្ឋាន ក្រុមប្រឹក្សាឃុំ តំណាងប្រជាពលរដ្ឋ កងកម្លាំងប្រដាប់អាវុធ ទាំង៣ប្រភេទ អង្គការដៃគូក្នុងខេត្ត និងលោកគ្រូ អ្នកគ្រូ សិស្សានុសិស្ស សរុប ៣៨៣ នាក់    ។