ឯកឧត្ដម អ៊ិន ចន្ថា រដ្ឋលេខាធិការ តំណាងឯកឧត្តមបណ្ឌិតសភាចារ្យ អ៊ុក រ៉ាប៉ុន បានដឹកនាំគណៈកម្មការអន្ដរក្រសួង អញ្ជើញទៅត្រួតពិនិត្យនិងវាយតម្លៃផ្លូវក្រាលល្បាយថ្មភ្នំ និងផ្លូវក្រាលក្រួសក្រហមមានចំនួន ២ខ្សែ ប្រវែងសរុប ៩,០០០ម៉ែត្រ នៅខេត្តប៉ៃលិន

នៅថ្ងៃអង្គារ-ពុធ ១៣-១៤កើត ខែពិសាខ ឆ្នាំថោះ បញ្ចស័ក ព.ស. ២៥៦៦ ត្រូវនឹងថ្ងៃទី០២-០៣ ខែឧសភា ឆ្នាំ២០២៣ ឯកឧត្ដម អ៊ិន ចន្ថា រដ្ឋលេខាធិការ តំណាង ឯកឧត្តមបណ្ឌិតសភាចារ្យ អ៊ុក រ៉ាប៉ុន រដ្ឋមន្រ្តីក្រសួងអភិវឌ្ឍន៏ជនបទ បានដឹកនាំគណៈកម្មការអន្ដរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ចនិងហិរញ្ញវត្ថុ អញ្ជើញទៅត្រួតពិនិត្យនិងវាយតម្លៃផ្លូវក្រាលល្បាយថ្មភ្នំ និងផ្លូវក្រាលក្រួសក្រហមមានចំនួន ២ខ្សែ ប្រវែងសរុប ៩,០០០ម៉ែត្រ ទទឹង ៥ម៉ែត្រ កម្រាស់០,២ម៉ែត្រ និងសាងសង់លូមុខកាត់ ១ម៉ែត្រ ចំនួន ២កន្លែង និងលូប្រអប់មុខពីរ ទទឹង៣ម៉ែត្រ កម្ពស់៣ម៉ែត្រ ស្ថិតនៅក្នុងឃុំស្ទឹងកាច់ ឃុំអូរតាវ៉ៅ ស្រុកសាលាក្រៅ ខេត្តប៉ៃលិន ដែលអនុវត្តដោយ មន្ទីរអភិវឌ្ឍន៍ជនបទខេត្តប៉ៃលិន។

បន្ទាប់ពីបានពិនិត្យរួច គណៈកម្មការបានសម្រេចទទួលយកដោយបញ្ចប់រយៈពេលធានាសុពលភាពជាស្ថាពរ៕