ឯកឧត្ដម ឈឹម សៅគី រដ្ឋលេខាធិការប្រចាំការដឹកនាំកិច្ចប្រជុំ ដើម្បីបើកឯកសារដេញថ្លៃ និងពិគ្រោះថ្លៃលើគម្រោងជួសជុលអគារ និងទិញសម្ភារចំនួន ៣គម្រោង

រាជធានីភ្នំពេញ ៖ នាព្រឹកថ្ងៃព្រហស្បតិ៍ ៤កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៦ ខែវិច្ឆិកា ឆ្នាំ២០២៣ នៅទីស្តីការក្រសួង ឯកឧត្ដម ឈឹម សៅគី រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានដឹកនាំកិច្ចប្រជុំ ដើម្បីបើកឯកសារដេញថ្លៃ និងពិគ្រោះថ្លៃលើគម្រោងជួសជុលអគារទីស្ដីការក្រសួង និងទិញសម្ភារ ដោយមានការអញ្ជើញចូលរួមពីសំណាក់ ឯកឧត្តម អនុរដ្ឋលេខាធិការ ឯកឧត្តមអគ្គនាយករដ្ឋបាល និងហិរញ្ញវត្ថុ ជាសមាជិក នៃគណៈកម្មការលទ្ធកម្ម អង្គភាពលទ្ធកម្ម តំណាងក្រសួងសេដ្ឋកិច្ច និងហិរញ្ញវត្ថុ និងតំណងក្រុមហ៊ុនចំនួន០៥ សរុបចំនួន ១៦រូប។