ឯកឧត្ដម ជី ស៊ីថា អញ្ជើញចូលរួមកិច្ចប្រជុំអន្ដរក្រសួងស្ដីពីការរៀបចំប្លង់គោលប្រើប្រាស់ដីស្រុកវាលវែង ខេត្តពោធិ៍សាត់

ខេត្តពោធិ៍សាត់៖ នាព្រឹកថ្ងៃព្រហស្បត៍ ១២រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១ ខែសីហា ឆ្នាំ២០២៤ ឯកឧត្ដម ជី ស៊ីថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានអញ្ជើញចូលរួមកិច្ចប្រជុំអន្ដរក្រសួងស្ដីពីការរៀបចំប្លង់គោលប្រើប្រាស់ដីស្រុកវាលវែង ខេត្តពោធិ៍សាត់ នៅទីស្ដីការក្រសួងរៀបចំដែនដី នគរូបនីយកម្ម និង សំណង់ ក្រោមអធិបតីភាពដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និង សំណង់ ដោយមានការចូលរួមពីឯកឧត្តម លោកជំទាវ លោក លោកស្រី តំណាងក្រសួង ស្ថាប័នពាក់ព័ន្ធ ព្រមទាំងអាជ្ញាធរខេត្តពោធិ៍សាត់ ។