លោក អឿន ធារិទ្ធ បានចុះពិនិត្យវឌ្ឍនភាពគម្រោង “ភូមិគំរូចលនាភូមិថ្មី” ចំនួន ៤ភូមិ គឺភូមិព្រៃរមៀត ភូមិជន្លុងម្លូរ ភូមិរំដួលថ្មី និងភូមិអូរមុខទឹក ក្នុងឃុំព្រៃរំដួល ស្រុកភ្នំស្រួច ខេត្តកំពង់ស្ពឺ

ខេត្តកំពង់ស្ពឺ ៖ នាថ្ងៃសុក្រ ១១ រោច ខែបុស្សឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែមករាឆ្នាំ២០២៥ លោក អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ លោក ជិន ប៊ុនធួន អ្នកសម្របសម្រួលគម្រោង និង លោក អ៊ុំ រិន ប្រធានក្រុមប្រឹក្សាឃុំព្រៃរំដួល បានចុះពិនិត្យវឌ្ឍនៈភាពគម្រោង “ភូមិគំរូចលនាភូមិថ្មី” ចំនួន ៤ភូមិ គឺភូមិព្រៃរមៀត ភូមិជន្លុងម្លូរ ភូមិរំដួលថ្មី និងភូមិអូរមុខទឹក ក្នុងឃុំព្រៃរំដួល ស្រុកភ្នំស្រួច ខេត្តកំពង់ស្ពឺ  ក្នុងឱកាសនោះក្រុមការងារក៏បានចុះពិនិត្យស្ថានភាពការដាំដុះបន្លែរបស់សហគមន៍កសិកម្មរំដួលរុងរឿង ស្ថិតក្នុងឃុំព្រៃរំដួល ស្រុកភ្នំស្រួច ខេត្តកំពង់ស្ពឺ។