លោក ហ៊ត ប្ញទ្ធី ប្រធានមន្ទីរអភិវឌ្ឍន៍ជនបទខេត្តប៉ៃលិន ដឹកនាំក្រុមការងារបច្ចេកទេសនៃមន្ទីរបានចុះធ្វើការជួសជុលថែទាំផ្លូវជាលក្ខណៈខួបចំនួន ០២ខ្សែ នៅស្រុកសាលាក្រៅ

ខេត្តប៉ៃលិន ៖ នាថ្ងៃអង្គារ ៤កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៩ ខែកក្កដា ឆ្នាំ២០២៤ លោក ហ៊ត ប្ញទ្ធី ប្រធានមន្ទីរអភិវឌ្ឍន៍ជនបទខេត្តប៉ៃលិន បានដឹកនាំក្រុមការងារបច្ចេកទេសនៃមន្ទីរបានចុះធ្វើការជួសជុលថែទាំផ្លូវជាលក្ខណៈខួបចំនួន ០២ខ្សែប្រវែងសរុប ១០ ៩០០ម៉ែត្រ ក្រាលគ្រូសល្បាយថ្មភ្នំ និងសាងសង់លូមូលចំនួន០៣កន្លែង ខ្សែទី១ ស្ថិតនៅភូមិដីក្រហម សង្កាត់អូរតាវ៉ៅ ក្រុងប៉ៃលិន និងខ្សែទី២ ស្ថិតនៅឃុំអូរអណ្តូង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ក្រោមវត្តមានការចូលរួមពី លោក រស់ នឿន អភិបាលរង នៃគណៈអភិបាលខេត្តប៉ៃលិន មន្ទីរអភិវឌ្ឍន៍ជនបទខេត្ត ក្រុមការងារមន្ទីរ និងអជ្ញាធរឃុំសង្កាត់ ភូមិ ព្រមទាំងបងប្អូនប្រជាពលរដ្ឋទទួលផលតាមដងផ្លូវនេះ៕