លោក ធីម សុធារ៉ា ដឹកនាំមន្រ្តីបច្ចេកទេសចុះពិនិត្យការងារគម្រោងថែទាំខួបផ្លូវកៅស៊ូ (Reseal DBST) ១ខ្សែ ប្រវែង៧ ០០០ម៉ែត្រ

ខេត្តពោធិ៍សាត់៖ នារសៀលថ្ងៃសុក្រ ៧រោច ខែកត្តិក ឆ្នាំរោង  ឆស័ក ព.ស.២៥៦៨  ត្រូវនិងថ្ងៃទី២២ ខែវិច្ឆិកា ឆ្នាំ២០២៤ លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ដឹកនាំមន្រ្តីបច្ចេកទេស ចុះពិនិត្យការងារគម្រោងថែទាំខួបផ្លូវកៅស៊ូ (Reseal DBST) ១ខ្សែ ៣កំណាត់ ប្រវែងសរុប ៧ ០០០ម៉ែត្រ ទទឹង ៦ម៉ែត្រ ស្ថិតនៅក្នុងឃុំរំលេច ស្រុកបាកាន-ឃុំតាលោ ស្រុកតាលោសែនជ័យ ខេត្តពោធិ៍សាត់។

ជាលទ្ធផលការងារជារួមសម្រេចបាន៩០% ដែលគ្រោងនឹងបញ្ចប់នៅចុងខែវិច្ឆិកា ឆ្នាំ២០២៤ខាងមុខនេះ។