លោក ទូច ម៉ាឡា ចុះពិនិត្យវឌ្ឍនភាពនៃការស្ថាបនាផ្លូវកៅស៊ូពីរជាន់ (DBST) ចំនួន ១ខ្សែ ក្នុងក្របខ័ណ្ឌគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម

ខេត្តសៀមរាប ៖ នាព្រឹកថ្ងៃអង្គារ២រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤ លោក  ទូច ម៉ាឡា ប្រធានមន្ទីរអភិវឌ្ឍន៍ជនបទខេត្តសៀមរាប រួមជាមួយមន្ត្រីជំនាញ  ក្រុមទីប្រឹក្សាបច្ចេកទេស និងតំណាងក្រុមហ៊ុនម៉ៅការសាងសង់ បានចុះពិនិត្យវឌ្ឍនភាព នៃការស្ថាបនាផ្លូវកៅស៊ូពីរជាន់ (DBST) ចំនួន ១ខ្សែ ប្រវែង ១៦ ២០០ម៉ែត្រ ទទឹង ៧ម៉ែត្រ ស្ថិតនៅឃុំស្រែខ្វាវ ស្រុកអង្គរជុំ ខេត្តសៀមរាប ក្នុងក្របខ័ណ្ឌគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម ដែលសម្រេចបានប្រមាណ ៦០% ហើយ៕