លោក តាន់ វាសនា  បានអញ្ជើញជាអធិបតី ក្នុងការបើកពិធីផ្សព្វផ្សាយវគ្គបណ្តុះបណ្តាល ស្តីពីភាពជាអ្នកដឹកនាំក្នុងវិស័យអភិវឌ្ឍន៍ជនបទ

ខេត្តកំពង់ធំ៖ នាព្រឹកថ្ងៃព្រហស្បតិ៍ ១១រោច ខែពិសាខ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២២ ខែឧសភា ឆ្នាំ២០២៥ នៅសាលប្រជុំមន្ទីរអភិវឌ្ឍន៍ជនបទខេត្តកំពង់ធំ លោក តាន់ វាសនា ប្រធានមន្ទីរស្តីទីនៃមន្ទីរអភិវឌ្ឍន៍ជនបទ ខេត្តកំពង់ធំ បានអញ្ជើញជាអធិបតី ក្នុងការបើកពិធីផ្សព្វផ្សាយវគ្គបណ្តុះបណ្តាល ស្តីពីភាពជាអ្នកដឹកនាំក្នុងវិស័យអភិវឌ្ឍន៍ជនបទ ជូនដល់មន្ត្រីរាជការនៃមន្ទីរអភិវឌ្ឍន៍ជនបទខេត្តកំពង់ធំ ចំនួន ៣១រូប ស្រី ០៦រូប។

ចំពោះវគ្គបណ្ដុះបណ្ដាលភាពជាអ្នកដឹកនាំលើវិស័យអភិវឌ្ឍន៍ជនបទនេះ គឺជាកិច្ចការដ៏សំខាន់មួយក្នុងការរួមចំណែកកំណែទម្រង់រដ្ឋបាលសាធារណៈរបស់រាជរដ្ឋាភិបាល ក្នុងគោលដៅលើកកម្ពស់ប្រសិទ្ធភាពការងារអភិវឌ្ឍន៍ជនបទ ដើម្បីបម្រើផលប្រយោជន៍ប្រជាពលរដ្ឋនៅតាមតំបន់ជនបទក្នុងមូលដ្ឋានខេត្តកំពង់ធំ។