លោកស្រី ឃឿន សុខឃៀង តាមដានពីវឌ្ឍនភាពនៃការដាំដុះបន្លែរបស់ប្រជាកសិករ នៅខេត្តប៉ៃលិន

ខេត្តប៉ៃលិន៖ នាថ្ងៃពុធ  ៣រោច – ព្រហស្បតិ៍ ៤រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨-១៩ ខែធ្នូ ឆ្នាំ២០២៤ លោកស្រី ឃឿន សុខឃៀង ប្រធានការិយាល័យអភិវឌ្ឍន៍សហគមន៍ និងជាសមាជិកសម្របសម្រួលថ្នាក់ខេត្តនៃគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” បានចុះតាមដានពីវឌ្ឍនភាពនៃការដាំដុះបន្លែរបស់ប្រជាកសិករ នៅភូមិក្រចាប់ និងបានជួបពិភាក្សាជាមួយគណ:កម្មាធិការអភិបឌ្ឍន៍ភូមិ (គ.អ.ភ) ភូមិក្រចាប់ ភូមិប៉ាងរលឹម ភូមិបរតាំងស៊ូ និងភូមិអូរច្រា ស្ថិតក្នុងសង្កាត់អូរតាវ៉ៅ សង្កាត់ទួលល្វា និងសង្កាត់បរយ៉ាខា ក្រុងប៉ៃលិន ខេត្តប៉ៃលិន។