មន្ទីរអភិវឌ្ឍន៍ជនបទខេត្តក្រចេះ ចុះជួសជុលអណ្តូងស្នប់ជូនប្រជាពលរដ្ឋដែលកំពុងទទួលរងគ្រោះពីការរាំងស្ងួត នៅស្រុកស្នួល

ខេត្តក្រចេះ៖ នាថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ ក្រុមការងារបច្ចេកទេស នៃមន្ទីរអភិវឌ្ឍន៍ជនបទខេត្តក្រចេះ បានចុះជួសជុលអណ្តូងស្នប់ជូនប្រជាពលរដ្ឋដែលកំពុងទទួលរងគ្រោះពីការរាំងស្ងួតបានចំនួន ១៣អណ្តូង ក្នុងភូមិចំនួន ៧ភូមិ នៃស្រុកស្នួល ខេត្តក្រចេះ។

ក្រុមការងារបានបែងចែកជា២ក្រុម ដោយទទួលបាននូវលទ្ធផលដូចខាងក្រោម ៖

១. លោក ម៉ៅ សុខជា អនុប្រធានមន្ទីរ បានដឹកនាំក្រុមទី១ រួមជាមួយ មន្ត្រីបច្ចេកទេស ចំនួន ៤រូប សហការជាមួយរដ្ឋបាលឃុំ២ធ្នូ ស្រុកស្នួល ចុះជួសជុលអណ្តូងស្នប់ បានសរុប ៤អណ្តូង ដែលខូតខាតមាន៖

– ភូមិជើងឃ្លេ បានចំនួន ២អណ្តូង (៣៤គ្រួសារ)

– ភូមិត្រពាំងស្រែ បានចំនួន ២កន្លែង (២២គ្រួសារ)

២. លោក កៅ វិបុល ប្រធានការិយាល័យផ្គត់ផ្គង់ទឹកជនបទ បានដឹកនាំក្រុមទី២ រួមជាមួយ មន្ត្រីបច្ចេកទេស ចំនួន ៤រូប សហការជារដ្ឋបាលឃុំស្រែចារ ស្រុកស្នួល ចុះជួសជុលអណ្តូងស្នប់ បានសរុប ៩អណ្តូង ដូចខាងក្រោម៖

– ភូមិក្របីចូលរូង  បានចំនួន ៤អណ្តូង (៣២គ្រួសារ)

– ភូមិក្បាលត្រាច បានចំនួន ១អណ្តូង (១១គ្រួសារ)

-ភូមិរហារ៍ បានចំនួន ២អណ្តូង (១៥គ្រួសារ)

-ភូមិស្អាត បានចំនួន ១អណ្តូង (៧គ្រួសារ)

-ភូមិមានជ័យ បានចំនួន ១អណ្តូង (៦គ្រួសារ)៕