មន្ទីរអភិវឌ្ឍន៍ជនបទខេត្តពោធិ៍សាត់  បានអមដំណើរអភិបាលនៃគណៈអភិបាលខេត្តពោធិ៍សាត់ ចុះពិនិត្យស្ថានភាពនៃការរាំងស្ងួត នៅតាមបណ្តាភូមិ នៅក្នុងឃុំតាលោ ស្រុកតាលោសែនជ័យ

ខេត្តពោធិ៍សាត់ ៖ នាថ្ងៃចន្ទ ៦រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២៩ ខែមេសា ឆ្នាំ២០២៤ លោក ប្លង់ បញ្ញា អនុប្រធានមន្ទីរអភិវឌ្ឍន៍ជនបទខេត្តពោធិ៍សាត់  បានអមដំណើរ ឯកឧត្តមអភិបាលនៃគណៈអភិបាលខេត្តពោធិ៍សាត់ ចុះពិនិត្យស្ថានភាពនៃការរាំងស្ងួត នៅតាមបណ្តាភូមិ នៅក្នុងឃុំតាលោ ស្រុកតាលោសែនជ័យ ដើម្បីរកដំណោះស្រាយជួយបងប្អូនប្រជាពលរដ្ឋ ដែលកង្វះខាតទឹកប្រើប្រាស់ នៅពេលខាងមុខ ។

នៅក្នុងពេលចុះពិនិត្យស្ថានភាពរងគ្រោះនេះផងដែរ ឯកឧត្តមអភិបាល នៃគណៈអភិបាលខេត្ត បានសំណូមពរដល់មន្ទីរអភិវឌ្ឍន៍ជនបទខេត្តពោធិ៍សាត់ ផ្តល់អណ្តូងស្នប់ចំនួន ៣កន្លែងបន្ថែមទៀត នៅក្នុង ភូមិហាលទិល ឃុំតាលោ ស្រុកតាលោសែនជ័យ៕