មន្ដ្រីជំនាញនាយកដ្ឋានផ្គត់ផ្គង់ទឹកជនបទ បើកវគ្គបណ្តុះបណ្តាល ស្តីពី ផែនការកំណត់អាទិភាព និងកិច្ចសម្របសម្រួល ការអនុវត្តកម្មវិធីទឹកស្អាតជនបទ 

ខេត្តត្បូងឃ្មុំ៖​  មន្ដ្រីជំនាញនាយកដ្ឋានផ្គត់ផ្គង់ទឹកជនបទ ក្រសួងអភិវឌ្ឍន៍ជនបទ បានរៀបចំបើកវគ្គបណ្តុះបណ្តាល ស្តីពី ផែនការកំណត់អាទិភាព និងកិច្ចសម្របសម្រួល ការអនុវត្តកម្មវិធីទឹកស្អាតជនបទ រយៈពេល ២ថ្ងៃ ចាប់ថ្ងៃអង្គារ៥កើត-ពុធ៦កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥-៦ ខែវិច្ឆិកា ឆ្នាំ២០២ ជូនដល់មន្រ្តីមន្ទីរអភិវឌ្ឍន៍ជនបទខេត្ត, មន្ទីរពាក់ព័ន្ធ និងអង្គការនានានៅក្នុងខេត្តត្បូងឃ្មុំ សរុបចំនួន ៣៦នាក់។

វគ្គបណ្តុះបណ្តាលនេះមានគោលបំណងដូចខាងក្រោម៖

– ពង្រឹងសមត្ថភាពមន្រ្តីក្នុងការរៀបចំផែនការយុទ្ធសាស្រ្ត និងពន្លឿនការអនុវត្តកម្មវិធីទឹកស្អាតជនបទ ដែលមានកំណើននៅមានកម្រិតនៅឡើយ

– រៀបចំវឌ្ឍនភាពការងារទឹកស្អាតក្នុងខេត្តរបស់ខ្លួន

– រៀបចំផែនការយុទ្ធសាស្រ្ត ក្នុងការចាត់ចំណាត់ថ្នាក់អាទិភាព នៃកម្មវិធីទឹកស្អាតជនបទ

– មានសមត្ថភាពចង្អុលបង្ហាញ កំណត់គោលដៅតំបន់អាទិភាពសម្រាប់ ដៃគូអភិវឌ្ឍន៍ គម្រោងទឹកស្អាតរបស់ខ្លួនឱ្យមានប្រសិទ្ធិភាពខ្ពស់

– មានសមត្ថភាពតាមដាន និងសម្របសម្រួលដល់ការអនុវត្តកម្មវិធីទឹកស្អាតជនបទក្នុងខេត្តរបស់ខ្លួន

– បំពេញទិន្នន័យចូលសៀវភៅគម្រូដែលមានស្រាប់៕