ប្រធានមន្ទីរអភិវឌ្ឍន៍ជនបទខេត្តព្រៃវែង ចុះពិនិត្យស្ថានភាពទឹកសម្រាប់ប្រើប្រាស់ នៅស្រុកកំពង់ត្របែក និងស្រុកបាភ្នំ

ខេត្តព្រៃវែង ៖ នាថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ លោក ឡុក វុឌ្ឍី ប្រធានមន្ទីរ បានដឹកនាំក្រុមការងារបច្ចេកទេស   នៃមន្ទីរអភិវឌ្ឍន៍ជនបទខេត្តព្រៃវែង ចុះទៅពិនិត្យអំពីស្ថានភាពនីវ៉ូស្ថាទិច (ជម្រៅទឹកនៅក្នុងអណ្ដូង) អណ្តូងស្នប់អាហ្រ្វីដេវ អណ្តូងបំពាក់ដោយម៉ូទ័រ និងបានជួសជុលអណ្តូងស្នប់ជូនប្រជាពលរដ្ឋ នៅតាមបណ្តាឃុំនានាក្នុង ស្រុកកំពង់ត្របែក  និងស្រុកបាភ្នំ ខេត្តព្រៃវែង។

សូមបញ្ជាក់ថា ក្រុមការងារបានចុះពិនិត្យផ្ទាល់អំពីស្ថានភាពនីវ៉ូស្ថាទិចទឹកអណ្តូងស្នប់អាហ្រ្វីដេវ និងអណ្តូងបំពាក់ដោយម៉ូទ័រ បានចំនួន៩ ឃុំ ក្នុងស្រុកបាភ្នំ និងស្រុកកំពង់ត្របែក។ តាមការពិនិត្យជាក់ស្ដែង បានឱ្យដឹងថាប្រជាពលរដ្ឋនៅក្នុងស្រុកទាំងពីរខាងលើនេះ មិនទាន់ជួបបញ្ហាកង្វះទឹកសម្រាប់ប្រើប្រាស់ និងបរិភោគឡើយ៕