នាយកដ្ឋានសវនកម្មផ្ទៃក្នុង រៀបចំកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងលើកទិសដៅការងារខែធ្នូ ឆ្នាំ២០២៤

រាជធានីភ្នំពេញ៖ នៅព្រឹកថ្ងៃព្រហស្បតិ៍ ៦រោច ខែកក្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២១ ខែវិច្ឆិកា ឆ្នាំ២០២៤ លោកស្រី ចាន់ ច្រិប ប្រធាននាយកដ្ឋានស្ដីទី នៃនាយកដ្ឋានសវនកម្មផ្ទៃក្នុង ក្រសួងអភិវឌ្ឍន៍ជនបទ បានដឹកនាំកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងលើកទិសដៅការងារខែធ្នូ ឆ្នាំ២០២៤ របស់នាយកដ្ឋាន ដោយមានការអញ្ជើញចូលរួម ថ្នាក់ដឹកនាំលោក និងមន្ត្រីរាជការសរុបចំនួន ១៨រូប ស្ត្រីចំនួន ០៥រូប។
អង្គប្រជុំ បានពិនិត្យ និងពិភាក្សាលើរបាយការណ៍លទ្ធផលការងារ និងការពង្រឹងការអនុវត្តតួនាទី ភារកិច្ចរបស់អង្គភាពសវនកម្មឱ្យមានប្រសិទ្ធភាព និងការទទួលខុសត្រូវខ្ពស់៕