ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ និងលោក ហេង សុភាណា អភិបាលនៃគណៈអភិបាលស្រុកភ្នំក្រវាញបានអញ្ជើញជាអធិបតីភាព ក្នុងកម្មវិធីប្រកាសឃុំបញ្ឈប់ការបន្ទោរបង់ពាសវាលពាសកាល (ODF)

ខេត្តពោធិ៍សាត់៖ នៅថ្ងៃអង្គារ ១២កើត ខែភទ្របទ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៦ ខែកញ្ញា ឆ្នាំ២០២៣ លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ និងលោក ហេង សុភាណា អភិបាលនៃគណៈអភិបាលស្រុកភ្នំក្រវាញបានអញ្ជើញជាអធិបតីភាព ក្នុងកម្មវិធីប្រកាសឃុំបញ្ឈប់ការបន្ទោរបង់ពាសវាលពាសកាល (ODF) ចំនួន១ឃុំគឺ ឃុំសំរោង ស្ថិតក្នុងស្រុកភ្នំក្រវាញ ខេត្តពោធិ៍សាត់។ព្រមទាំងមានការអញ្ជើញចូលរួមពីអង្គការដៃគូអភិវឌ្ឍន៍ ក្រុមប្រឹក្សាឃុំ លោកមេភូមិ បងប្អូនប្រជាពលរដ្ឋ និងសិស្សានុសិស្សផងដែរ។

សូមបញ្ជាក់ផងដែរថា ឃុំសំរោង មានភូមិចំនួន១៣ភូមិ គ្រួសារសរុប ៣,៤២២គ្រួសារ និងមានខ្នងផ្ទះសរុបចំនួន ៣,១២២ខ្នងផ្ទះ៕