ក្រុមការងារត្រួតពិនិត្យ វាយតម្លៃ ផ្ទៀងផ្ទាត់បញ្ចប់ODF ថ្នាក់ជាតិ រៀបចំកិច្ចប្រជុំដើម្បីជ្រើសរើសសំណាក និងធ្វើការចុះផ្ទៀងផ្ទាត់ ODF ខេត្តរតនគិរី

ខេត្តរតនគិរី៖ នាព្រឹកនៅថ្ងៃពុធ ១២ កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែកក្កដា ឆ្នាំ២០២៤ ក្រុមការងារត្រួតពិនិត្យ វាយតម្លៃ ផ្ទៀងផ្ទាត់បញ្ចប់ODF ថ្នាក់ជាតិ ដឹកនាំដោយ លោក ខុន លីដូ អនុប្រធាននាយកដ្ឋានថែទាំ​សុខភាព និងសមាជិកព្រមទាំងមន្ត្រីជំនាញរបស់មន្ទីរអភិវឌ្ឍន៍ជនបទខេត្តរតនគិរី បានចូលរួមប្រជុំដើម្បីជ្រើសរើសសំណាក និងធ្វើការចុះផ្ទៀងផ្ទាត់ ODF ខេត្តរតនគិរី ។

 

ក្នុងកិច្ចប្រជុំនេះ  ក្រុមការងារបានធ្វើការចាប់ឆ្នោតដើម្បីជ្រើសរើសស្រុក៨ និងក្រុង១ និងចាប់ឆ្នោតជ្រើសរើសអង្គភាពផ្តល់សេវាក្នុងខេត្តចំនួន៣០កន្លែង ស្ថិតនៅស្រុកអូរជុំនិងស្រុកបរកែវ ធ្វើជាគំរូ ជាលទ្ធផលនៃការចាប់ឆ្នោតទាំង២លើក ទទួលបានលទ្ធផលដូចខាងក្រោម៖

 

១. ចាប់លើកទីបានស្រុកចំនួន២គឺស្រុក កូនមុំ និងស្រុកលំផាត់)

ក/ចាប់ឆ្នោតជ្រើសរើសឃុំទាំង៦ក្នុងស្រុកកូនមុំ

*លទ្ធផលសម្រេចបានឃុំចំនួន២គឺ

1-ឃុំត្រពាំងក្រហម ជ្រើសរើសបានភូមិ១

2-ឃុំសិរីមង្គល ជ្រើសរើសបានភូមិស្រែពកធំ

ខ/ចាប់ឆ្នោតជ្រើសរើសឃុំទាំង៦ក្នុងស្រុកលំផាត់

*លទ្ធផលសម្រេចបានឃុំចំនួន០២គឺ

1-ឃុំប៉ាតាង ជ្រើសរើសបានភូមិព្រូក

2-ឃុំល្បាំង២ ជ្រើសរើសបានភូមិកាទៀង

 

២. ចាប់ឆ្នោតលើកទី២ ជ្រើសរើសអង្គភាពផ្តល់សេវាក្នុងខេត្តចំនួន៣០កន្លែង ស្ថិតនៅស្រុកអូរជុំនិងស្រុកបរកែវមាន÷

-សាលាឃុំចំនួន២កន្លែង

-មណ្ឌលសុខភាព៤

-វត្តអារាមចំនួន៤

-សាលារៀនចំនួន៩

-គ្រឹះស្ថានឯកជនចំនួន៤

-មន្ទីរអង្គភាពក្នុងខេត្តចំនួន៤

-រដ្ឋបាលខេត្ត១

បន្ទាប់ពីធ្វើការចាប់ឆ្នោតជ្រើសរើសស្រុក,ឃុំ,ភូមិរួចមកក្រុមការងារក៏បានចែកគ្នាជា៤ក្រុមចុះពិនិត្យស្ថានភាពជាក់ស្តែង និងទៅដល់គ្រួសារតាមខ្នងផ្ទះបន្ថែមទៀត។

 

នៅរសៀលថ្ងៃដដែលនេះផងដែរ លោក ប្រធានមន្ទីរ និងក្រុមការងារ បានបន្តចូលរួមប្រជុំគណៈកម្មការ អនុគណៈកម្មការរៀបចំពិធីប្រកាសODF ដើម្បីពិនិត្យ ពិភាក្សារៀបចំកិច្ចការលម្អិតចាំបាច់សម្រាប់ដំណើរការពិធីប្រកាសODF ខេត្តរតនគិរី ក្រោមអធិបតីភាព ឯកឧត្តម ជា ថាវរិទ្ឋ សមាជិកក្រុមប្រឹក្សា​ខេត្តនិងជាប្រធានក្រុមការងារ PWGខេត្ត តំណាងឯកឧត្ដម ណាប់ ប៊ុនហេង ប្រធានក្រុមប្រឹក្សាខេត្តនិង ឯកឧត្តម ម៉ា វិចិត្រ អភិបាលរងខេត្ត តំណាងឯកឧត្ដម ញ៉ែម សំអឿន អភិបាលនៃគណអភិបាលខេត្តរតនគិរី សមាសភាពចូលរួមមកពីគ្រប់មន្ទីរអង្គភាពកងកម្លាំងទាំងអស់ជុំវិញខេត្ត។