ការចុះទៅត្រួតពិនិត្យ និងវាយតម្លៃលទ្ធផលការងារជួសជុលបន្ទាន់ផ្លូវក្រាលក្រួសក្រហមចំនួន ១កំណាត់មានប្រវែង ៨០០ ម៉ែត្រ ទទឹងខ្នងលើ ៧ ម៉ែត្រ នៅក្នុងបរិវេណដីសម្បទានសង្គមកិច្ចសម្រាប់សាងសង់លំនៅឋានជូនគ្រួសារកងទ័ព និងនគរបាលនៅតាមបន្ទាត់ព្រំដែនកម្ពុជា-វៀតណាម

ខេត្តត្បូងឃ្មុំ៖ នាថ្ងៃពុធ ១៣កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៧ ខែកញ្ញា ឆ្នាំ២០២៣ លោក អ៊ឹង ឌីម៉ង់ អនុប្រធាននាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ រួមដំណើរដោយលោក ជៀស តេង ប្រធានការិយាល័យផ្លូវលំជនបទ និងលោក គី សាណា មន្ត្រីការិយាល័យផ្លូវលំជនបទ នៃមន្ទីរអភិវឌ្ឍន៍ជនបទខេត្តត្បូងឃ្មុំ បានអញ្ជើញទៅត្រួតពិនិត្យ និងវាយតម្លៃលទ្ធផលការងារជួសជុលបន្ទាន់ផ្លូវក្រាលក្រួសក្រហមចំនួន ១កំណាត់មានប្រវែង ៨០០ ម៉ែត្រ ទទឹងខ្នងលើ ៧ ម៉ែត្រ នៅក្នុងបរិវេណដីសម្បទានសង្គមកិច្ចសម្រាប់សាងសង់លំនៅឋានជូនគ្រួសារកងទ័ព និងនគរបាលនៅតាមបន្ទាត់ព្រំដែនកម្ពុជា-វៀតណាម ដែលអនុវត្តដោយមន្ទីរអភិវឌ្ឍន៍ជនបទខេត្តត្បូងឃ្មុំ ស្ថិតនៅក្នុងភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ។

បន្ទាប់ពីបានត្រួតពិនិត្យជាក់ស្តែងអំពីស្ថានភាព គុណភាពផ្លូវរួចមក ក្រុមការងារបានសម្រេចឯកភាពទទួលយក ១០០% ស្របតាមបញ្ជីប៉ាន់តម្លៃ និងបទដ្ឋានបច្ចេកទេសនៃការជួសជុល ៕