ឯកឧត្តម ប៊ុន ច័ន្ទវណ្ណៈ បើកការដ្ឋានសាងសង់ប្រព័ន្ធចែកចាយទឹកតាមបណ្តាញបំពង់ខ្នាតតូចសហគមន៍ នៅភូមិគោករមៀត ឃុំគោករមៀត ស្រុកថ្មពួក

ខេត្តបន្ទាយមានជ័យ ៖ នាព្រឹកថ្ងៃទី២១ ខែមិថុនា ឆ្នាំ២០២ ឯកឧត្តម ប៊ុន ច័ន្ទវណ្ណៈ រដ្ឋលេខាធិការ និងឯកឧត្តម ឌូ ដាលីតូ អនុរដ្ឋលេខាធិការ តំណាងដ៏ខ្ពង់ខ្ពស់  ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញចូលរួមជាអធិបតីក្នុងពិធីបើកការដ្ឋានសាងសង់ប្រព័ន្ធចែកចាយទឹកតាមបណ្តាញបំពង់ខ្នាតតូចសហគមន៍ នៅភូមិគោករមៀត ឃុំគោករមៀត ស្រុកថ្មពួក ខេត្តបន្ទាយមានជ័យ ។

កម្មវិធីនេះមានការចូលពីមន្ត្រីមន្ទីរអភិវឌ្ឍន៍ជនបទេត្ត លោកអភិបាលរងស្រុក សមាជិកក្រុមប្រឹក្សាស្រុក លោកមេឃុំ សមាជិកក្រុមប្រឹក្សាឃុំ  ប្រធានភូមិ និងប្រជាជនក្នុងភូមិសរុប ៨៥នាក់ ស្រី ៤០នាក់ ។

ក្នុងឱកាសនោះផងដែរ ឯកឧត្តម រដ្ឋលេខាធិការបាន ពាំនាំនូវការសួរសុខទុក្ខពីសំណាក់ ឯកឧត្តមរដ្ឋមន្ត្រី ព្រមទាំងបាននាំយកវត្ថុអនុស្សាវរីយ៍ទៅចែកជូន សមាជិក សមាជិការដែលបានចូលរួមផងដែរ៕