ឯកឧត្តម ឈឹម សៅគី រដ្ឋលេខាធិការ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន បាននាំសាររំលែកទុក្ខ និងថវិកាជូនលោក ទូច សុីផាត ប្រធាននាយកដ្ឋានបណ្ដុះបណ្ដាលនិងស្រាវជ្រាវ

នារសៀលថ្ងៃអាទិត្យ ១២កើត ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី៣០ ខែសីហា ឆ្នាំ២០២០ ឯកឧត្តម ឈឹម សៅគី រដ្ឋលេខាធិការ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បាននាំសាររំលែកទុក្ខ និងថវិការបស់ឯកឧត្ដមបណ្ឌិតសភាចារ្យរដ្ឋមន្ត្រី ជូនលោក ទូច សុីផាត ប្រធាននាយកដ្ឋានបណ្ដុះបណ្ដាល និងស្រាវជ្រាវ ព្រមទាំងក្រុមគ្រួសារ នៃសពឧបាសក ទូច ម៉ៅ ត្រូវជាឱពុកបង្កើតលោកទូច សុីផាត ដែលបានទទួលមរណភាពកាលពីថ្ងៃទី២៩ ខែសីហា ឆ្នាំ២០២០ នៅភូមិថ្នល់បែកកើត ឃុំស្វាយទាប ស្រុកចំការលើ ខេត្តកំពង់ចាម។